ნუგზარ უბერი

დაბადების ადგილი: ქ. თბილისი.

 დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1969 წელს.

1969–1972წწ. იყო ზუგდიდის საკონსულტაციო პოლიკლინიკის ექიმი–პედიატრი; 1972–1974წწ. თბილისის სახელმწიფო სამედიცინო ინსტიტუტის ჰოსპიტალური პედიატრიის კათედრის ორდინატორი; 1975–1978წწ. ასპირანტი; 1978 წელს ასისტენტი; 1989 წელს დოცენტი; 1998 წლიდან კათედრის პროფესორი. ავტორია 58 სამეცნიერო ნაშრომის, რომლებიც ეხება გულის უკმარისობასა და კარდიტებს, ათეროსკლეროზის პრედიქტორებს ბავშვებში. გამოცემული აქვს მონოგრაფია რუსულ ენაზე. არის 2 საკანდიდატო დისერტაციის სამეცნიერო ხელმძღვანელი; პედიატრი, მედიცინის მეცნიერებათა დოქტორი.

საკანდიდატო დისერტაციის თემა - "გულის უკმარისობის დახასიათება კარდიტების დროს ადრეული ასაკის ბავშვებში", დაიცვა 1983 წელს; სადოქტორო დისერტაციის თემა -  "გულის იშემიური დაავადების რისკ ფაქტორები და მათი კორექციის გზები ამ დაავადებით დამძიმებული მემკვიდრეობის მქონე ქართველ ბავშვებში", დაიცვა 1997 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.268

• საქართველოს პედიატრთა ასოციაციის გამგეობა, წევრი

• 2023 - თბილისის საპატიო მოქალაქე

• "ბავშვთა და მოზარდთა მედიცინა - VII", სამეცნიერო-პრაქტიკული კონფერენცია (თანაავტორი). - თბილისი, 2014. - 94გვ.. - ISBN: 978-9941-0-7085-3
• Фиброэластоз эндомиокарда у детей (თანაავტორი). - Тбилиси, Мецниереба, 1989. - 143с.