ნათელა ჭოჭუა

დაბადების ადგილი: ქ. ფოთი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი.

1949-1956წწ. იყო მ. წინამძღვრიშვილის სახელობის კლინიკური და ექსპერიმენტული კარდიოლოგიის  ინსტიტუტის უფროსი ლაბორანტი; 1956-1962წწ. ორდინატორი; 1962-1963წწ. ფუნქციური დიაგნოსტიკის კაბინეტის გამგე; 1963-1966წწ. უმცროსი მეცნიერ–თანამშრომელი; 1966-1983წწ. უფროსი მეცნიერ–თანამშრომელი; 1983 წლიდან პედიატრიული ჯგუფის ხელმძღვანელი; ავტორია 55 სამეცნიერო ნაშრომის, რომლებიც ეხება ბავშვთა და ჭაბუკთა ასაკში გულ-სისხლძარღვთა სისტემის დაავადებათა თავისებურებების შესწავლას.

საკანდიდატო დისერტაციის თემა – "პირობითი რეფლექსური და ზოგიერთი კლინიკო–მორფოლოგიური ცვლილებები ექსპერიმენტული რევმატიზმის დროს", დაიცვა 1962 წელს.

• თერაპევტთა საზოგადოება, წევრი
• კარდიოლოგთა საზოგადოება, წევრი
• პედიატრთა საზოგადოება, წევრი

• 1986 - საპატიო სიგელი
• 1985 - შრომის ვეტერანის მედალი

• რა უნდა იცოდეს სკოლამ და ოჯახმა ბავშვთა და მოზარდთა გულ-სისხლძარღვთა დაავადებების შესახებ (ავტორი). - თბილისი, თბილ. უნ-ტის გამ-ბა, 1989. - 28გვ.