ვახტანგ ჭუმბურიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი სამკურნალო ფაკულტეტი 1973 წელს.

1988-2001წწ. იყო თბილისის თერაპიის ინსტიტუტის, თერაპიის ეროვნული ცენტრის უმცროსი მეცნიერ–მუშაკი, უფროსი მეცნიერ–თანამშრომელი, განყოფილების გამგე, დირექტორის მოადგილე; გ. ჩაფიძის სახელობის გადაუდებელი კარდიოლოგიის ცენტრის კლინიკური ფარმაკოლოგიისა და სამედიცინო კვლევების დეპარტამენტის ხელმძღვანელი, დავით ტატიშვილის სამედიცინო ცენტრის კარდიოლოგი; ავტორია 120-ზე მეტი სამეცნიერო პუბლიკაციის, სამი მონოგრაფიის და ერთი საავტორო მოწმობის; მისი ხელმძღვანელობით დაცულია 4 საკანდიდატო დისერტაცია. კარდიოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა – "ოქსიფედრინის ანტიანგინალური მოქმედება გ. ი. დ. დროს", დაიცვა 1977 წელს.

სადოქტორო დისერტაციის თემა – "კარდიომიოპათიის კლინიკო–იმუნოლოგიური დახასიათება", დაიცვა 1987 წელს.

• დისერტანტების მიმნიჭებელი საბჭო, წევრი (1994-)
• ევროპის კარდიოლოგთა საზოგადოება, საპატიო წევრი (2003-)
• თერაპიული საზოგადოება, ვიცე–პრეზიდენტი
• საქართველოს კარდიოლოგთა საზოგადოება, პრეზიდენტი (2002-)

• გულის ქრონიკული უკმარისობის დიაგნოსტიკა და მართვა : გაიდლაინი/პროტოკოლი (თანაავტორი). - თბილისი, 2013. - 54გვ.
• გულმკერდში ტკივილის მართვა : გაიდლაინი/პროტოკოლები (თანაავტორი). - თბილისი, 2013. - 48გვ.
• გულის იშემიური დაავადება : გაიდლაინები/პროტოკოლები (თანაავტორი). - თბილისი, 2013. - 223გვ.