გურამ ქარაზანაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1987 წელს.

1987 წელს გაიარა ინტერნატურა ქირურგიაში რესპუბლიკური ცენტრალური კლინიკური საავადმყოფოს ბაზაზე; 1987-1989 წწ. იყო კლინიკური ორდინატორი უროლოგიის კათედრაზე მოსკოვის ცენტრალურ ექიმთა დახელოვნების ინსტიტუტში; 1989-1991წწ. - ამავე ინსტიტუტის უროლოგიის კათედრის ასპირანტი; 1995 წელს გაიარა კლინიკური სტაჟირება ონკოუროლოგიასა და ზოგად უროლოგიაში ნაიმეგენის (ჰოლანდია) საუნივერსიტეტო ჰოსპიტალის უროლოგიურ დეპარტამენტში; 1996 წელს - კლინიკური სტაჟირება ოპერაციულ უროლოგიაში და ენდოუროლოგიაში მაინის ოფენბახის (გერმანია) საუნივერსიტეტო ჰოსპიტლის უროლოგირ დეპარტამენტში; 1997-1998 წწ. - კლინიკური და სამეცნიერო მუშობა უროლოგიაში ბონის (გერმანია) საუნივერსიტეტო კლინიკაში; 2000-2001 წწ. - კლინიკური და სამეცნიერო მუშობა მალმოს (შვედეთი) საუნივერსიტეტო ჰოსპიტლის უროლოგიურ დეპარტამენტში; 2003 წელს - აკადემიური გაცვლა ამერიკისა და ევროპის უროლოგთა ასოციაციებს შორის (მეიოს კლინიკა, დუკის უნივერსიტეტი, ჩიკაგოს უნივერსიტეტი, ვანდერბილდტის უნივერსიტეტი, აშშ) და კლინიკური სტაჟირება ზოგად უროლოგიაში ვენის (ავსტრია) საუნივერსიტეტო ჰოსპიტლის უროლოგიური დეპარტამენტში; 2005-2007 წწ. - კლინიკური-სამეცნიერო მუშობა ონკოუროლოგიასა და ბავშვთა უროლოგიაში ქ. ბონის (გერმანია) საუნივერსიტეტო ჰოსპიტლის უროლოგიურ კლინიკაში; 2012 წელს - კლინიკური სტაჟირება ლაპარასკოპიულ უროლოგიაში ბერლინის (გერმანია) ვივანტეს კლინიკებში ფრიდრიხზაინსა და ურბანში; 2017 წელს - კლინიკური სტაჟირება ონკოლოგიურ, რობოტულ ქირურგიაში ფლორიდის (ორლანდო, აშშ) ჰოსპიტალში.

1991–2001 წწ. - რესპუბლიკური ცენტრალური კლინიკური საავადმყოფოს უროლოგიის განყოფილების უროლოგი; 1993-1999 წწ. - თბილისის სახელმწიფო სამედიცინო უნივერსიტეტის ექსპერიმენტული და კლინიკური მედიცინის ინსტიტუტის უფროსი მეცნიერ-თანამშრომელი; 1994 წლიდან - საქართველოს ჯანმრთელობის სამინისტროს საატესტაციო კომიტეტის უმაღლესი კატეგორიის უროლოგი; 1996 წლიდან - სახელმწიფო უნივერსიტეტის სამკურნალო-დიაგნოსტიკური ცენტრის უროლოგიური სამსახურის უფროსი; 2001-2004 წწ. - თბილისის სახელმწიფო სამედიცინო უნივერსიტეტის უროლოგიური კლინიკის ასისტენტი; 2004 წელს - თბილისის სახელმწიფო სამედიცინო უნივერსიტეტის უროლოგიური კლინიკის დოცენტი; 2005-2006 წწ. - თბილისის სახელმწიფო სამედიცინო უნივერსიტეტის უროლოგიური კლინიკის პროფესორი; 2005-2010 წწ. - თბილისის სახელმწიფო უნივერსიტეტის სამკურნალო-დიაგნოსტიკური ცენტრის გენერალური დირექტორი; 2006 წლიდან - ჟურნალ "European Urology"-ს რეცენზენტი; 2006-2009 წწ. - თბილისის სახელმწიფო სამედიცინო უნივერსიტეტის უროლოგიური კლინიკის უროლოგიის ასოცირებული პროფესორი; 2007-2012 წწ. - შპს "თანამედროვე სამედიცინო ტექნოლოგიების" წამყვანი სპეციალისტი უროლოგიაში; 2010-2011 წწ. - "ლეჩკომბინატ N1-ის" სამედიცინო დირექტორი; 2012 წელს - "ემ-ემ-ტე ჰოსპიტალის" წამყვანი სპეციალისტი უროლოგიაში; 2012 წლიდან - უნივერსიტეტ "გეომედის" სრული პროფესორი; 2015 წლიდან - თბილისის სახელმწიფო სამედიცინო უნივერსიტეტის კლინიკური პროფესორი; 2018 წლიდან - სს "თანამედროვე სამედიცინო ტექნოლოგიების" გენერალური დირექტორი. მისი სამეცნიერო ნაშრომები იბეჭდება ევროპისა და ამერიკის პროფესიონალურ, სამეცნიერო ჟურნალებში: researchgate.net; არის "შოთა რუსთაველის ეროვნული სამეცნიერო ფონდის" გრანტის მფლობელი (2014, 2016, 2018); არაერთი სახელობითი სტიპენდიის და ჯილდოს მფლობელი. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ექსპერტი უროლოგიაში. ექიმი-უროლოგი, ონკოუროლოგი, ბავშვთა უროლოგი; მედიცინის მეცნიერებათა დოქტორი (2002), პროფესორი.

საკანდიდატო დისერტაციის თემა - "ზედა საშარდე გზების ობსტრუქციული უროპათიის დიაგნოსტიკა და მკურნალობა საშვილოსნოს ყელის კიბოს დროს", დაიცვა 1991 წელს; სადოქტორო დისერტაციის თემა - "პროსტატ-სპეციფიკური ანტიგენი პროსტატის კიბოს დიაგნოსტიკაში", დაიცვა 2002 წელს.

წყარო: ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.282; ქართული სამედიცინო პორტალი: vidal.ge; MMT ჰოსპიტალის პორტალი: mmt.ge; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.373 

• ამერიკის უროლოგთა ასოციაცია, ინტერნაციონალური წევრი (2010-)
• გერმანიის ყოფილ სტიპენდიანტთა ასოციაციის მრჩეველთა საბჭო, წევრი (2008-2011)
• ევროპის უროლოგთ ასოციაციის კლინიკური კვლევების ოფისი, წევრი (2008-)
• ევროპის უროლოგთა ასოციაცია, სრულუფლებიანი წევრი (1996-)
• თბილისის უროლოგთა საზოგადოება, სწავლული მდივანი (1992-)
• საქართველოს ონკოლოგიური უროლოგიის ასოციაცია, პრეზიდენტი (2017-)
• საქართველოს უროლოგთა ასოციაცია, წევრი (1992-)

• 2011 - საქართველოს ეროვნული პრემია
  სამეცნიერო ნაშრომთა ციკლისთვის "პროსტატის კიბოს დიაგნოსტიკისა და მკურნალობის აქტუალირი საკითხები"

• სამეცნიერო სემინარი-კონფერენცია "სხვადასხვა ნოზოლოგიების ეპიდემიოლოგიური მახასიათებლები საქართველოში" = Medical conference "Epidemiological characteristics of different nosologies in Georgia", ბაკურიანი, 6-7 თებერვალი (თანაავტორი). - თბილისი, მერიდიანი, 2010. - 56გვ.. - ISBN: 978-9941-10-255-4