ბონდო ქობულია

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1962 წელს.

1962–1967წწ. იყო მეცნიერებათა აკადემიის ქირურგიის ინსტიტუტის უმცროსი მეცნიერ–თანამშრომელი; 1967–1973წწ. თბილისის სახელმწიფო სამედიცინო ინსტიტუტის შინაგან სნეულებათა პროპედევტიკის კათედრის ასისტენტი; 1973–1974წწ. თბილისის სახელმწიფო სამედიცინო ინსტიტუტის ჰოსპიტალური თერაპიის კათედრის ასისტენტი; 1974–1982წწ. ამავე კათედრის დოცენტი; 1984–1989წწ. თბილისის სახელმწიფო სამედიცინო ინსტიტუტის შინაგან სნეულებათა N2 კათედრის უფროსი მეცნიერ–თანამშრომელი; 1984–1987წწ. კათედრის დოცენტი, 1987–1990წწ. პროფესორი. 1990 წლიდან კარდიოლოგიის ინსტიტუტის დირექტორი. ავტორია 130 სამეცნიერო ნაშრომის, გამოქვეყნებული აქვს მონოგრაფიები. მისი ხელმძღვანელობით დაცულია 8 საკანდიდატო დისერტაცია. არის კარდიოლოგიის ინსტიტუტის დირექტორი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "გაზთა ცვლა და ჰემოდინამიკა პნევმორორაქსის და პულმონეკტომიის დროს ფილტვების ხელოვნური "დოზირებული" ვენტილაციის პირობებში", დაიცვა 1966 წელს.

სადოქტორო დისერტაციის თემა - "გულის იშემიური დაავადება და მაობლიტირებელი ათეროსკლეროზის (ქვემო კიდურების) პათოგენეზი და ზოგადი და რეგიონალური ჰემოდინამიკის დიაგნოსტიკა ჟანგბადის გაჯერების ტრანსკუტანული მონაცემებით", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.284

• ევროპის კარდიოლოგთა ასოციაცია, საპატიო წევრი (1995-)
• საქართველოს კარდიოლოგთა საზოგადოება, პრეზიდენტი

• წამლის კლინიკური კვლევის აქტუალური საკითხები = Current issues of clinical trials (ავტორი). - თბილისი, მერიდიანი, 2014. - 264გვ.. - ISBN: 978-9941-10-861-7