ნანა ღლონტი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სტომატოლოგიური ფაკულტეტი 1983 წელს.

1983–1984წწ. ინტერნატურა გაიარა N3 სტომატოლოგიურ პოლიკლინიკაში; 1984–1988წწ. ორდინატურა – თბილისის ექიმთა დახელოვნების ინსტიტუტის თერაპიული სტომატოლოგიის კათედრაზე; 1986–1991წწ. იყო ამავე კათედრის მეცნიერ–თანამშრომელი; 1991–1993წწ. სწავლობდა ასპირანტურაში; 1992–1993წწ. მუშაობდა ექიმ სტომატოლოგად შპს ფირმაში "სტომატოლოგი"; 1994 წლიდან "უნიდენტის" თანამშრომელია. ავტორია 8 სამეცნიერო ნაშრომის; ეწევა პედაგოგიურ და სამეცნიერო მუშაობას თბილისის სამედიცინო აკადემიის სტუდენტებთან. სტომატოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "პაროდონტიტის მკურნალობა პლაფერონით", დაიცვა 1993 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.- გვ.297

• საქართველოს სტომატოლოგთა ასოციაცია, წევრი