თამარ ყანდაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1983 წელს.

1983–1986წწ. იყო თბილისის სახელმწიფო სამედიცინო ინსტიტუტის შინაგან დაავადებათა N1 კათედრის კლინიკური ორდინატორი; 1986–1987წწ. ნ. კახიანის სახელობის რკინიგზის კლინიკური საავადმყოფოს ექიმი ორდინატორი; 1987 წლიდან თბილისის სახელმწიფო სამედიცინო უნივერსიტეტის შინაგან დაავადებათა პროპედევდიკის კათედრის ასისტენტი; 1998-2006 წწ. ივ. ჯავახიშვილის სახელობის სახელმწიფო უნივერსიტეტის მედიცინის ფაკულტეტის შინაგან დაავადებათა კათედრის დოცენტი. აკად. ვაჟა ივერიელის სახელობის ენდოკრინოლოგია–მეტაბოლოგია–დიეტოლოგიის ცენტრი "ენმედიცი"– ს ექიმი-თერაპევტი, გასტროენტეროლოგი 2011 წლიდან; 1999 წლიდან ჯანდაცვის დეპარტამენტის სამედიცინო საქმიანობის მართვისა და სამედიცინო დახმარების ხარისხის კონტროლის სამმართველოს მთავარი სპეციალისტ-თერაპევტი; 2004 წლიდან საქართველოს  შრომის, ჯანმრთელობის და სოციალური დაცვის სამინისტროს  ექსპერტი თერაპევტი; 2013 წლიდან საქართველოს სამედიცინო ასოციაციების გაერთიანება, გამგეობის წევრი და ექსპერტი სპეციალობებში: შინაგანი სნეულებანი, გასტროენტეროლოგია; 2014 წლიდან საქართველოს შრომის, ჯანმრთელობისა და სოციალური დაცვის სამინისტროს ექსპერტი "შინაგანი მედიცინა" და "გასტროენტეროლოგია"; თერაპიული მიმართულების კლინიკური მდგომარეობების მართვის 7 სახელმწიფო სტანდარტის(პროტოკოლის) თანაავტორი. არის სხვადასხვა პროექტების ავტორი და თანაავტორი: "ჯანმრთელობის ხელშეწყობისა და ცხოვრების ჯანსაღი წესის დამკვიდრებისათვის გულსისხლძარღვთა სისტემის დაავადებათა პრევენცია"(ჯანდაცვის სამინისტრო, საზოგადოებრივი ჯანდაცვის დეპარტამენტის გრანტი, პროექტის ავტორი), "თსუ მედიცინის ფაკულტეტის სტუდენტებისთვის – ფაქტებზე დამყარებული მედიცინის განვითარება – სასწავლო კურსის დანერგვა და უზრუნველყოფა"(ფონდი "ღია საზოგადოება საქართველოს" გრანტი, პროექტი– pH/-1/02, პროექტის ავტორი), საქართველოს ბავშვთა განვითარების და რეაბილიტაციის ფონდისთვის «Sonnenschein» გერმანიის საელჩოს ტექნიკური დახმარების ფონდის გრანტის პროექტის თანაავტორი. ავტორია 56 სამეცნიერო ნაშრომის, რომლებიც ეხება ჰეპატოლოგიას, ლაზეროთერაპიას, მინერალურ ცვლას. მედიცინის მეცნიერებათა დოქტორი, თბილისის სახელმწიფო სამედიცინო უნივერსიტეტის შინაგან დაავადებათა N3 დეპარტამენტის ასოცირებული პროფესორი (2015).

საკანდიდატო დისერტაციის თემა - "ლაზეროთერაპიის ეფექტურობა ღვიძლის ცეროზისა და ქრონიკული ჰეპატიტების კომპლექსურ მკურნალობაში", დაიცვა 1994 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ. - 2000.- გვ.298; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.67

• საქართველოს ჰეპატოლოგთა ასოციაცია, პრეზიდენტი (2004-)

• 1999 - ღირსების მედალი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის

• ღვიძლის ნორმალური და პათოლოგიური ბიოქიმია : სალექციო კურსი ბიოლოგიისა და მედიცინის ფაკულტეტის სტუდენტებისათვის (რედაქტორი). - თბილისი, უნივერსალი, 2005. - 32გვ.. - ISBN: 99940-32-89-5
• შინაგანი მედიცინა : შინაგან დაავადებათა პროპედევტიკა, შინაგანი დაავადებები, სამხედრო საველე თერაპია : (მედიცინის ფაკ-ტის სტუდ.-თვის) (შემდგენელი). - თბილისი, უნ-ტის გამ-ბა, 2001. - 30გვ.
• ადამიანის სხეულის მასის (ჭარბი წონის) კორექცია : მეთოდური რეკომენდაცია ჯანმრთელობის ხელშეწყობისა და ცხოვრების ჯანსაღი წესის დამკვიდრებისათვის (ავტორი). - თბილისი, თსუ, 2000
• მედიცინის და ბიოლოგიის აქტუალური საკითხები : ქალაქის 1-ლი კლინიკ. საავადმყოფოს დაარსებიდან 100 წლისთავისადმი მიძღვნილი საერთაშ. სამეც.-პრაქტ. კონფ. მასალები (შემდგენელი). - თბილისი, 1998. - 164გვ.
• დაბალი ინტენსივობის ჰელიუმ–ნეონის ლაზერული გამოსხივების გამოყენება ღვიძლის ქრონიკული დაავადებების მკურნალობის პროცესში : მეთოდური რეკომენდაცია (ავტორი). - თბილისი, 1991