თინათინ წერეთელი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის სოციალურ-ეკონომიკური ფაკულტეტი 1926 წელს.

მუშაობდა სხვადსახვა ორგანიზაციაში პრაქტიკოს-იურისტად; 1934-1937წწ. სსრ სახკომსაბჭოში იურისტ-კონსულტანტად; 1933 წლიდან ეწეოდა სამეცნიერო-პედაგოგიურ მუშაობას თბილისის სახელმწიფო უნივერსიტეტში; კითხულობდა ლექციებს სამოქალაქო სამართალში; 1937-1944წწ. მიჰყავდა სპეციალური კურსი: "მოძღვრება დანაშაულზე"; 1950-1952წწ. იყო იურიდიული ფაკულტეტის დეკანი; საქართველოს მეცნიერებათა აკადემიის ეკონომიკურ და სამართლის ინსტიტუტის სამართლის სექტორის ორგანიზატორი და ხელმძღვანელი; მონაწილეობდა საქართველოს სსრ სისხლის სამართლის კოდექსის მომზადებაში; იყო რუსულ-ქართული იურიდიული ტერმინოლოგიის თანაავტორი და მთავარი რედაქტორი(1963). იკვლევდა სისხლის სამართლის ზოგად თეორიულ პრობლემებს, დანაშაულისა და პასუხისმგებლობის საკითხებს, სისხლის სამართლის საფუძვლებს. იგი მონაწილეობდა არაერთ საერთაშორისო თუ საკავშირო კონგრესებსა და სიმპოზიუმების მუშაობაში. იურიდიულ მეცნიერებათა დოქტორი (1950), პროფესორი (1951), სისხლის სამართლის ქართული სკოლის ფუძემდებელი.

წყარო: ქართული საბჭოთა ენციკლოპედია, ტ. 11, თბ., 1987, გვ. 307; თბილისის სახელმწიფო უნივერსიტეტი: newspaper.tsu.ge

• საქართველოს მეცნიერებათა აკადემია, წევრ-კორესპოდენტი (1967-)

• 1960 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი

• საზოგადოებრივი საშიშროება და მართლწინააღმდეგობა სისხლის სამართალში (ავტორი). - თბილისი, კავკასიური სახლი, 2006. - 224გვ.. - ISBN: 99928-71-99-7
• ლუარსაბ ანდრონიკაშვილი - რევოლუციონერთა და პროგრესულ მოღვაწეთა დამცველი (ავტორი). - თბილისი, საბჭ. საქართველო, 1976. - 229გვ.
• დანაშაულებრივი ქმედობა და მისი შედეგი (ავტორი). - თბილისი, მეცნიერება, 1966. - 88გვ.