ვახტანგ ყიფიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1967 წელს.

1967–1970წწ. იყო თბილისის სახელმწიფო სამედიცინო ინსტიტუტის პათოფიზიოლოგიის კათედრის ასპირანტი; 1970–1976წწ. ასისტენტი; 1976–1988წწ. დოცენტი; 1988–1990წწ. პროფესორი; 1990 წელს კათედრის გამგე. 1994-2005წწ. თბილისის სახელმწიფო სამედიცინო უნივერსიტეტის პრორექტორი სამეცნიერო ნაწილში. ავტორია 100–ზე მეტი სამეცნიერო ნაშრომის, გამოქვეყნებული აქვს მონოგრაფია. იყო ორი სადოქტორო და ხუთი საკანდიდატო დისერტაციის ხელმძღვანელი და კონსულტანტი. პათოფიზიოლოგი, მედიცინის მეცნიერებათა დოქტორი, პროფესორი.

საკანდიდატო დისერტაციის თემა - "სისხლძარღვოვანი რეაქციები შრატის მიერ სენსიბილიზაციის დროს", დაიცვა 1971 წელს; სადოქტორო დისერტაციის თემა - "რეგიონული სისხლის მიმოქცევა და მიკროჰემოცირკულაცია ექსპერიმენტული სიმსივნური ზრდის პროცესში", დაიცვა 1987 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ. - 2000.- გვ.299; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.78

• გადაუდებელი მედიცინის საერთაშორისო ასოციაცია, წევრი
• პათოფიზიოლოგთა საერთაშორისო საზოგადოება, წევრი
• საქართველოს მედიცინის მეცნიერებათა აკადემია, აკადემიკოსი

• 1999 - ღირსების ორდენი
  სტუდენტი ახალგაზრდობის აღზრდა-განათლებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვის

• ზოგადი პათოფიზიოლოგია : სახელმძღვ. უმაღლ. სამედ. სასწ. სტუდ. (ავტორი) // ნაწ. 2 : ორგანოების და სისტემების პათოფიზიოლოგია. - თბილისი, გამ-ბა "საქართველოს მაცნეს" სტ., 2009. - 574გვ.
• აპოპტოზი: მოლეკულური მექანიზმები და როლი პათოლოგიაში (თანაავტორი). - თბილისი, თბილ. სახელმწ. სამედ. უნ-ტის გამ-ბა, 2008. - 134გვ.. - ISBN: 978-9941-0-0525-1
• ინფექციური პროცესის ზოგადი პათოგენეზი : სახელმძღვ. უმაღლ. სამედ. სასწ. სტუდ. (თანაავტორი). - თბილისი, 2007. - 117გვ.. - ISBN: 978-99940-0-127-9
• ზოგადი პათოფიზიოლოგია : სახელმძღვ. უმაღლ. სამედ. სასწ. სტუდ. (ავტორი) // ნაწ. 1. - თბილისი, "კაბადონი"-ს სტ., 2004. - 310გვ.