სალომე ავალიშვილი

დაბადების ადგილი: სოფელი კონდოლი, თელავის რაიონი.

დაამთავრა თბილისის სამედიცინო უნივერსიტეტის სამკურნალო ფაკულტეტი 1923 წელს.

1931–1933წწ. იყო ქობულეთის მალარიის საწინააღმდეგო სადგურის გამგე; 1933–1937წწ. ბათუმის ცენტრალური ტროპიკული სადგურის ეპიდომიოლოგი; 1937 წლიდან– დირექტორი; მეორე მსოფლიო ომის დროს იყო ევაკოჰოსპიტლის უფროსის მოადგილე; ომის შემდეგ მუშაობდა აჭარის სანიტ–ეპიდემიოლოგიური სადგურის მთავარ ექიმად. დიდი ღვაწლი მიუძღვის აჭარასა და მთელ საქართველოში მალარიის ლიკვიდაციისა და ჰელმინთოზებით ავადობის შემცირების საქმეში; მიღებული აქვს სახელმწიფო ჯილდოები. მწერალ ნინო ავალიშვილის და.

წყარო: საქართველო: ენციკლოპედია. – თბილისი., 1977.– გვ.61

• აჭარის ეპიდემიოლოგთა, მიკრობიოლოგთა და პარაზიტოლოგთა სამეცნიერო საზოგადოება, თავმჯდომარე (1956-1962)

• 1946 - აჭარის დამსახურებული ექიმი
• 1941 - საქართველოს დამსახურებული ექიმი
• მ. შ. საბრძოლო ორდენი

• მალარიის ლიკვიდაცია აჭარაში : ნარკვევი (თანაავტორი). - თბილისი, საბჭ. საქართველო, 1971. - 115გვ.
• რა არის მალარია და როგორ უნდა ვებრძოლოთ მას (ავტორი). - ბათუმი, აჭარის ასსრ სახელგამი, 1948. - 15გვ.