სალომე ავალიშვილი

დაბადების ადგილი: სოფელი კონდოლი, თელავის რაიონი.

დაამთავრა თბილისის სამედიცინო უნივერსიტეტის სამკურნალო ფაკულტეტი 1923 წელს. კვალიფიკაციის ამაღლების შემდეგ მუშაობდა თბილისში სამედიცინო პარაზიტოლოგიის პროფილით. 

1928–1933წწ. იყო ქობულეთის მალარიის საწინააღმდეგო სადგურის გამგე; 1933–1937წწ. ბათუმის ცენტრალური ტროპიკული სადგურის ეპიდომიოლოგი; 1937 წლიდან– დირექტორი; 1937 წელს მისი თაოსნობით პირველად აჭარაში, ბათუმის ცენტრალურ ტროფიკულ სადგურთან ყალიბდება ჰელმინთოლოგიური განყოფილება. მეორე მსოფლიო ომის დროს იყო ევაკოჰოსპიტლის უფროსის მოადგილე; 1954 წლიდან აჭარის სანიტ–ეპიდემიოლოგიური სადგურის მთავარი ექიმია. დიდი ღვაწლი მიუძღვის აჭარასა და მთელ საქართველოში მალარიის ლიკვიდაციისა და ჰელმინთოზებით ავადობის შემცირების საქმეში; მიღებული აქვს სახელმწიფო ჯილდოები მათ შორის "საბრძოლო ორდენი". მრავალი მეცნიერული ნაშრომის ავტორია. პირველი ექიმი-პარაზიტოლოგი ქალი, აჭარაში მალარიისა და სხვა პარაზიტული დაავადებების წინააღმდეგ ბრძოლის ერთ-ერთი დამფუძნებელი. მწერალ ნინო ავალიშვილის და.

წყარო: საქართველო: ენციკლოპედია. – თბილისი., 1977.– გვ.61; საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010.-გვ.292; საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.305-306 

• აჭარის ასსრ უმაღლესი საბჭო, მეოთხე მოწვევის დეპუტატი (1955-)
• აჭარის ასსრ უმაღლესი საბჭოს პრეზიდიუმი, თავმჯდომარის მოადგილე
• აჭარის ასსრ უმაღლესი საბჭოს პრეზიდიუმი, წევრი
• აჭარის ეპიდემიოლოგთა, მიკრობიოლოგთა და პარაზიტოლოგთა სამეცნიერო საზოგადოება, თავმჯდომარე (1956-1962)

• 1946 - აჭარის დამსახურებული ექიმი
• 1941 - საქართველოს დამსახურებული ექიმი

• მალარიის ლიკვიდაცია აჭარაში : ნარკვევი (თანაავტორი). - თბილისი, საბჭ. საქართველო, 1971. - 115გვ.
• რა არის მალარია და როგორ უნდა ვებრძოლოთ მას (ავტორი). - ბათუმი, აჭარის ასსრ სახელგამი, 1948. - 15გვ.