ბეჟან გიორგაძე

დაბადების ადგილი: სოფელი ვალე, ახალციხის რაიონი.

სწავლობდა სორბონის უნივერსიტეტში სიტყვიერებისა და ჰუმანიტარულ მეცნიერებათა ფაკულტეტზე XX–ს. 20–იან წლებში. დაამთავრა რომში ვატიკანის უნივერსიტეტი.

30–იან წლებში დაბრუნდა სამშობლოში; მუშაობდა საქართველოს მეცნიერებათა აკადემიის ისტორიის ინსტიტუტის ბიბლიოთეკარად და მეცნიერ თანამშრომლად; თბილისის უცხო ენათა პედაგოგიურ ინსტიტუტში ასწავლიდა იტალიურ ენას; 1938-1946წწ., 1951-1956წწ. პოლიტიკურ შეხედულებათა გამო იყო რეპრესირებული; იტალიაში ყოფნის დროს აგროვებდა მასალებს საქართველოს შესახებ ვატიკანის ბიბლიოთეკაში; მან გაშიფრა, თარგმნა, დაურთო კომენტარები, გამოკვლევები და გამოსცა საქართველოს ისტორიის შესასწავლად ღირებული ისტორიული წყაროები: ჯუდიჩემილანელი დონ ჯუზეპე "წერილები საქართელოზე XVII–ს." (1964), "ულუგ–ბეგ ბაიათი და მისი რელაციონი XVI-ს. საქართველოზე" (1975), "დონ პიეტრო ავიტაბილე, ცნობები საქართველოზე VII-ს." (1977).

წყარო: საქართველო: ენციკლოპედია: ტ.2. – თბ., 2012. – გვ. 12

• საქართველოს ახალგაზრდობის პატრიოტული ორგანიზაცია "თეთრი გიორგი", წევრი

• ლეკიანობა : კრებული (თანაავტორი). - თბილისი, ისტორიული მემკვიდრეობა, 2012. - 329გვ.