რამინ გობეჯიშვილი

დაბადების ადგილი: სოფელი ნიგზვნარა, ონის რაიონი.

დაამთავრა თბილისის სახელმწიფო უნივერსიტეტის, გეოგრაფია-გეოლოგიის ფაკულტეტი 1964 წელს.

1964 წელს მუშაობა დაიწყო ვახუშტი ბაგრატიონის სახელობის გეოგრაფიის ინსტიტუტში; 1981-1988წწ. ხელმძღვანელობდა აეროკოსმოსური მეთოდების ლაბორატორიას; 1986-2006წწ. გლაციოლოგიის ლაბორატორიას; 2000-2003წწ. გეომორფოლოგიის განყოფილებას; 1979-1981წწ. იყო ამავე ინსტიტუტის უფროსი მეცნიერ-თანამშრომელი; 1965-1979წწ. უფროსი ინჟინერი; 2005-2007წწ. დირექტორი; 2003-2008წწ. თბილისის სახელმწიფო უნივერსიტეტის გეომორფოლოგია-გეოეკოლოგიის კათედრის გამგე; 2006 წლიდან სრული პროფესორი; 1997 წელს მონაწილეობდა "მსოფლიოს თოვლ–ყინულოვანი რესურსების ატლასის" შედგენაში; ასევე მონაწილეობა აქვს მიღებული გლაციოლოგიურ და გეომორფოლოგიურ ექსპედიციებში, მათ შორის:კავკასიის რეგიონში (1965-2012), აღმოსავლეთ ანატოლია (2003), ჰიმალაიში (1991), სინო-ტიბეტის მთები (1990), ტიანშანი (1990), ალტაი (1984), კამჩატკა (1982), შპიცბერგენი (1978), ზაილის ალათაუ (1972), პამირში(1967); ავტორია 9 მონოგრაფიის და 120 სტატიის; გეოგრაფი, გეოგრაფიულ მეცნიერებათა დოქტორი (1995), პროფესორი (1996).

საკანდიდატო დისერტაციის თემა – "მთიანი რაიონების თანამედროვე  რელიეფწარმომქმნელი პროცესების კვლევა სტერეოფოტო-გრამმეტრიული მეთოდებით", დაიცვა 1979 წელს.

სადოქტორო დისერტაციის თემა – "საქართველოს თანამედროვე მყინვარები და  ევრაზიის მთებში გამყინვარების ევოლუცია", დაიცვა 1995 წელს.

წყარო: საქართველო:ენციკლოპედია:ტ.2. – თბ., 2012. – გვ.54; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.214

• ვახუშტი ბაგრატიონის გეოგრაფიის ინსტიტუტის სამეცნიერო საბჭო, თავმჯდომარე (2007-)
• საქართველოს გეოგრაფიის საზოგადოება, ვიცე–პრეზიდენტი (1996-2008)
• სსრკ მეცნიერებათა აკადემიის გლაციოლოგიის სექციის ბიურო, წევრი (1988-1992)

• 2000 - ღირსების ორდენი

• საქართველოს რელიეფი : მონოგრაფია (ავტორი). - თბილისი, უნივერსალი, 2011. - 260გვ.. - ISBN: 978-9941-17-190-1
• გლაციოლოგია : მყინვარები (თანაავტორი). - თბილისი, უნივერსალი, 2006. - 292გვ.. - ISBN: 99940-51-94-6