რობერტ ანდღულაძე

დაბადების ადგილი: სოფელი თელათგორი, კასპის რაიონი.

დაამთავრა საქართველოს სასოფლო სამეურნეო ინსტიტუტის აგრონომიული ფაკულტეტი 1959 წელს.

1958–1969წწ. იყო საქართველოს სოფლის მეურნეობის ეკონომიკისა და ორგანიზაციის სამეცნიერო კვლევითი ინსტიტუტის მეცნიერი მუშაკი; 1973–1984წწ. ამავე ინსტიტუტის განყოფილების გამგე და დირექტორის მოადგილე სამეცნიერო ნაწილში; 1969–1973წწ. საქართველოს მიწათმოქმედების სამეცნიერო კვლევითი ინსტიტუტის განყოფილების გამგე და დირექტორის მოადგილე; 1984–1991წწ. საკავშირო სასოფლო–სამეურნეო მეცნიერებათა აკადემიის ამიერკავკასიის განყოფილების პრეზიდიუმის თავმჯდომარის პირველი მოადგილე; 1991 წლიდან საქართველოს სოფლის მეურნეობის მეცნიერებათა აკადემიის ვიცე–პრეზიდენტი. ეკონომიკის მეცნიერებათა დოქტორი (1988), პროფესორი (1990), აგრარიკოს–ეკონომისტი. მიღებული აქვს სახელმწიფო ჯილდოები.

წყარო: საქართველო:ენციკლოპედია:ტ.1.-თბ., 2012.-გვ.155; წიგნი ღირსებისა: ტ. 2 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.49

• საქართველოს სოფლის მეურნეობის მეცნიერებათა აკადემია, აკადემიკოსი (1991-)

• 1997 - ღირსების ორდენი

• საქართველოს სსრ მიწის ფონდები და მათი ინტენსიურად გამოყენების გზები (თანაავტორი). - თბილისი, საბჭ. საქართველო, 1987. - 154გვ.
• საქართველოს სოფლის მეურნეობის განვითარების ძირითადი მიმართულებანი წარმოების სპეციალიზაციისა და კონცენტრაციის პროცესში (თანაავტორი). - თბილისი, საბჭ. საქართველო, 1979. - 459გვ.
• მიწათსარგებლობის თავისებურებანი და სასოფლო-სამეურნეო სავარგულების ეფექტიანად გამოყენება საქართველოში (ავტორი). - თბილისი, საბჭ. საქართველო, 1976. - 162გვ.