ლევან გიორგაშვილი

დაბადების ადგილი: ქ. ყვარელი.

დაამთავრა თბილისის სახელმწიფო უნივერსიტეტის მექანიკა–მათემატიკის ფაკულტეტი 1968 წელს.

1968-1988წწ. მუშაობდა თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტში; 1988 წლიდან - საქართველოს ტექნიკურ უნივერსიტეტში უმაღლესი მათემატიკის კათედრაზე; 2005 წლიდან იყო საქართველოს ტექნიკურ უნივერსიტეტის მათემატიკა ფიზიკის მიმართულების ხელმძღვანელი; 2005-2006წწ. თბილისის სახელმწიფო უნივერსიტეტის ახალციხის ფილიალის მათემატიკა–ასტრონომიის ფაკულტეტის დეკანი. მისი სამეცნიერო მოღვაწეობის ძირითადი თემაა მყარი დეფორმირებადი სხეულებისათვის სასაზღვრო ამოცანების შესწავლა სხვადასხვა ველების გათვალისწინებით; შესწავლილია სასაზღვრო და სასაზღვრო-საკონტაქტო ამოცანები პოტენციალთა და სინგულარულ ინტეგრალურ განტოლებათა მეთოდის გამოყენებით; შესწავლილია ასევე კონკრეტული გეომეტრიული ფორმის მქონე სხეულებისათვის სასაზღვრო ამოცანები. მათემატიკოსი, ფიზიკა–მათემატიკის მეცნიერებათა დოქტორი (1995), პროფესორი (1997).

წყარო: საქართველო: ენციკლოპედია: ტ.2. – თბ., 2012. – გვ.12; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.203

• მათემატიკა ეკონომისტებისათვის : სახელმძღვ. უმაღლ. სასწ. ეკონ. და საბანკო-საფინანსო სპეც. სტუდ. (თანაავტორი). - თბილისი, გლობალ-პრინტი, 1999. - 564გვ.