რევაზ ადამია

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1974 წელს.

1974 წლიდან ეწეოდა სამეცნიერო საქმიანობას: 1974-1979წწ. სამეცნიერო-საწარმოო გაერთიანება "ბაქტერიოფაგი" უმცროსი მეცნიერ თანამშრომელი; 1979-1982წწ. უფროსი მეცნიერ თანამშრომლი; 1982-1988წწ. სექტორის ხელმძღვანელი; 1988 წლიდან ლაბორატორიის უფროსი; 1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: "საქართველოს მწვანეთა პარტია", საარჩევნო ფორმა: პარტიული სიით; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით; 1999-2002წწ. საქართველოს მე-5 მოწვევის პარლამენტის წევრი, სარჩევნო ბლოკი: "საქართველოს მოქალაქეთა კავშირი", საარჩევნო ფორმა: მაჟორიტარული, მაჟორიტარი №3 საბურთალოს საარჩევნო ოლქიდან; იყო რუსეთის სამხედრო ბაზების საქართველოდან გაყვანის მოლაპარაკებებში საქართველოს სახელმწიფო დელეგაციის წამყვანი წევრი და 1999 წლის სტამბოლის ეუთოს სამიტზე მიღებული უმნიშვნელოვანესი გადაწყვეტილებების ერთ-ერთი აქტიური მონაწილე. 2002-2006წწ. საქართველოს საგანგებო და სრულუფლებიანი ელჩი გაერთიანებული ერების ორგანიზაციაში. 60-მდე სამეცნიერო ნაშრომის ავტორი. მიღებული აქვს ჯორჯ სოროსის პრემია. მინიჭებული აქვს საგანგებო და სრულუფლებიანი ელჩის დიპლომატიური რანგი. ბიოლოგიურ მეცნიერებათა დოქტორი, პოლიტიკური და საზოგადო მოღვაწე.  

სადისერტაციო თემა - "ზოგიერთი ბაქტერიული ვირუსის მოლეკულურ-ბიოლოგიური თვისებები", დაიცვა 1986 წელს.  

წყარო: ვინ ვინაა საქართველოში: ქართული ბიოგრაფიული ცნობარი., 1996-97. -გვ.14; საქართველოს პარლამენტის წევრები 1990-2015/ კობა ამირხანაშვილი.- თბ.-2015.-გვ. 60; საქართველოს პარლამენტის ვებგვერდი: parliament.ge;  დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ.27

• ევროპის საბჭოს საპარლამენტო ასამბლეა, ვიცე პრეზიდენტი (1999-2001)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის ფრაქცია "მწვანეები", წევრი (1993-1995)
• საქართველოს მე-4 მოწვევის პარლამენტის თავდაცვისა და უშიშროების კომიტეტი, კომიტეტის თავმჯდომარე (1995-1999)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1999)
• საქართველოს მე-5 მოწვევის პარლამენტი, წევრი (1999-2002)
• საქართველოს მე-5 მოწვევის პარლამენტის განათლების, მეცნიერების, კულტურისა და სპორტის კომიტეტი, წევრი (2002-2002)
• საქართველოს მე-5 მოწვევის პარლამენტის თავდაცვისა და უშიშროების კომიტეტი, კომიტეტის თავმჯდომარე (1999-2000)
• საქართველოს მე-5 მოწვევის პარლამენტის საგარეო ურთიერთობათა კომიტეტი, წევრი (2002-2002)
• საქართველოს მე-5 მოწვევის პარლამენტის ფრაქცია "დემოკრატები", წევრი (2002-2002)
• საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", წევრი (1999-2002)
• საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", ფრაქციის თავმჯდომარე (2000-2001)
• საქართველოს მოქალაქეთა კავშირი, წევრი
• საქართველოს სამთო-სათხილამურო ასოციაცია, პრეზიდენტი

• 2016 - ბრწყინვალების საპრეზიდენტო ორდენი