ოთარ გიორგაძე

დაბადების ადგილი: ქ. ქუთაისი.

დაამთავრა ბათუმის პედაგოგიური ინსტიტუტის რუსული ენისა და ლიტერატურის ფაკულტეტი 1964 წელს; ლენინგრადის კულტურის უმაღლესი სკოლა 1973 წელს.

1949 წლიდან მუშაობდა ხულოსა და ბათუმის სკოლების მასწავლებლად, აგრეთვე სხვადასხვა საზოგადოებრივ თანამდებობაზე განათლების, კულტურის, სპორტის ორგანიზაციებში; 1993-2007წწ. იყო შოთა რუსთაველის სახელობის ბათუმის სახელმწიფო უნივერსიტეტის დაწყებითი განათლების კათედრის გამგე; ჩამოაყალიბა ესთეტიკური აღზრდის სისტემის თეორიული მოდელი, რომელიც ხელს უწყობს მოზარდი თაობის ჰარმონიულ აღზრდას; გამოქვეყნებული აქვს მრავალი სამეცნიერო ნაშრომი; პედაგოგიურ მეცნიერებათა დოქტორი (1999), პროფესორი (2000).

წყარო: საქართველო:ენციკლოპედია: ტ.2. – თბ., 2012. – გვ.15; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.288; კარგ ქართველთა საფლავები: geonecropol.ge

• საქართველოს განათლების მეცნიერებათა აკადემია, წევრი (2001-)
• საქართველოს პედაგოგიურ მეცნიერებათა აკადემია, წევრი (1998-)

• 2001 - ღირსების მედალი
• 1998 - ღირსების ორდენი
  სტუდენტთა აღზრდასა და განათლებაში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვისთვის

• სასწავლო დისციპლინების ესთეტიკური აღზრდის შესაძლებლობანი (ავტორი). - ბათუმი, აჭარა, (ს/ს "სტამბა"), 1997. - 20გვ.
• ესთეტიკური აღზრდის ფსიქოლოგიური საფუძვლები (ავტორი). - ბათუმი, აჭარა, (ს/ს "სტამბა"), 1997. - 20გვ.
• მოსწავლეთა თავისუფალი დრო და ესთეტიკური აღზრდა (ავტორი). - ბათუმი, საბჭ. აჭარა, (პოლიგრ. საწ. გაერთ-ბა), 1983. - 88გვ.