ნოდარ გიოშვილი

დაბადების ადგილი: ქ. თბილისი.

დაამთავრა თბილისის უცხო ენათა პედაგოგიური ინსტიტუტი 1959 წელს.

1959-1965წწ. იყო საქართველოს მეცნიერებათა აკადემიის ცენტრალური სამეცნიერო ბიბლიოთეკის სწავლული მდივანი; 1965-1966წწ. ა. ნათიშვილის სახელობის მორფოლოგიის ინსტიტუტის მეცნიერ მუშაკი; 1966-1986წწ. ქართული საბჭოთა ენციკლოპედიის სიტყვანისა და ბიბლიოგრაფიის რედაქციის წამყვანი სამეცნიერო რედაქტორი და ბიბლიოგრაფიის ჯგუფის ხელმძღვანელი; 1986 წლიდან სამეცნიერო კონტროლის რედაქციის გამგე; 2002 წლიდან სამეცნიერო სალიტერატურო კონტროლის, სიტყვანისა და ბიბლიოგრაფიის რედაქციის გამგე; გერმანულად თარგმნა "აკაკის ნაკვესები", რომელიც 1956 წელს დაიბეჭდა ბერლინში გაზეთ "ტრიბიუნე"–ში; ასევე თარგმნა სულხან–საბა ორბელიანის იგავ–არაკები; ავტორია ქართულ უნივერსალურ ენციკლობედიაში მრავალი სტატიისა; ქართული საბჭოთა ენციკლოპედიის გარდა მონაწილეობდა სხვადასხვა პერსონალური თუ დარგობრივი ენციკლოპედიების, ლექსიკონების, მონოგრაფიების რედაქტირებაში; ლექსიკოგრაფი.

წყარო: საქართველო: ენციკლოპედია: ტ.2. – თბ., 2012. – გვ.35

• 1987 - საქართველოს კულტურის დამსახურებული მუშაკი, ქართული უნივერსალური ენციკლოპედიის მომზადებასა და გამოცემისათვის

• [ილია II] : კრებული ეძღვნება სრულიად საქართველოს კათოლიკოს-პატრიარქს უწმინდესსა და უნეტარესს ილია II აკადემიის საპატიო აკადემიკოსს აღსაყდრებიდან 30-ე და დაბადებიდან 75-ე წლისთავზე (რედაქტორი). - თბილისი, 2007. - 232 გვ.. - ISBN: 978-9941-9018-0-5