ალექსანდრე ჯიბლაძე

დაბადების ადგილი: სოფელი გოგაძეები, შუახევის რაიონი.

1972 წელს დაამთავრა ბათუმის პედაგოგიური ინსტიტუტის ქართული ენისა და ლიტერატურის ფაკულტეტი; 1987 წელს ბაქოს უმაღლესი პარტიული სკოლა; 1998 წელს კი თბილისის სოციალურ-ეკონომიკური ინსტიტუტის იურიდიული ფაკულტეტი იურისტის კვალიფიკაციით. ამავე დროს დაიცვა სამეცნიერო ხარისხი და მოიპოვა ფილოლოგიური მეცნიერებათა კანდიდატის წოდება. 2005 წლიდან არის ფილოლოგიურ მეცნიერებათა დოქტორი. 

სხვადასხვა დროს მუშაობდა: 1967-1972წწ. ბათუმის მე-5 ტრესტის სამშენებლო კომბინატის მუშად; 1972-1973წწ. შუახევის საშუალო სკოლის მასწავლებლად, შემდგომ დირექტორის მოადგილედ; 1973-1974წწ. საბჭოთა არმიის ჯარისკაცია; 1974-1975წწ. ბათუმის ვაჭრობის ტექნიკუმის კომკავშირის კომიტეტის მდივანი; 1975-1979წწ. საქართველოს ალკკ შუახევის რაიკომის განყოფილების გამგე, მეორე მდივანი, პირველი მდივანი; 1979-1985წწ. საქართველოს ალკკ აჭარის საოლქო კომიტეტის განყოფილების გამგე, ინსტრუქტორი; 1985-1989წწ. საქართველოს კპ შუახევის რაიკომის მეორე მდივანი; 1989-1990წწ. შუახევის რაისაბჭოს აღმასკომის თავმჯდომარე; 1991-1992წწ. ბათუმის კოოპერაციული ინსტიტუტის ლექტორი, დეკანი, კათედრის გამგე; 1992-1995წწ. საქართველოს მე-3 მოწვევის პარლამენტის წევრი, საარჩევნო ბლოკი: ბლოკი "მშვიდობა", საარჩევნო ფორმა: პარტიული სიით; 1995-1999წწ. საქართველოს მე-4 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით. 1999-2004 წლებში საქართველოს პარლამენტის მანდატურთუხუცესი. 2005-2006 წლებში მუშაობდა შპს ''საქართველოს რკინიგზის" კადრების სამმართველოს უფროსად; 2006-2015 წლებში საქართველოს რკინიგზის ინსტიტუტის დირექტორის მოადგილედ სამეცნიერო დარგში და ამავე ინსტიტუტის დირექტორის მოადგილედ სამეცნიერო დარგში და ამავე ინსტიტუტის დირექტორად. 2012 -2015 წლებში იყო საქართველოს რკინიგზის საზოგადოებრივი კოლეჯის დირექტორი. 2015 წლიდან არის საქართველოს ნავთობისა და გაზის კორპორაციის შიდა აუდიტის სამსახურის უფროსი. ავტორია წიგნებისა და 60-ზე მეტი წერილის. გამოცემული აქვს წიგნები: "ასაფრენად გაშლილი ფრთები" - მოგზაურის ჩანაწერები (1992), "მამია ვარშანიძის შემოქმედება" (მონოგრაფია, 1998). სხვადასხვა დროს გამოქვეყნებული აქვს 150 -ზე მეტი პუბლიცისტური და კრიტიკული წერილი: მათ შორის დავით თედორაძის, ვახტანგ ღლონტის, ამირან ხაბაზის, ზურაბ ფირცხალაიშვილის, ჟუჟუნა ხაჯიშვილის, დავით ტაკიძის, ზურაბ ზოიძის შემოქმედების შესახებ. იბეჭდება ქართულ ჟურნალებში ("მნათობი", "ჭოროხი", "ცისკარი") და პერიოდულ პრესაში. რედაქტორია: მამია ვარშანიძის ("პოეზია"), მაყვალა ბერიანიძის ("უსახელო გენერალი"), დავით ზეიკიძის ("ლექსები") და სხვა წიგნებისა. 

წყარო: ვინ ვინაა საქართველოში: ქართული ბიოგრაფიული ცნობარი. - 1998-1999. - გვ.437; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.426; საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.108

• მოქალაქეთა კავშირი, წევრი (1994-)
• პოლიტიკური ორგანიზაცია "დედა საქართველო", თავმჯდომარე (1991-)
• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტის განათლებისა და მეცნიერების კომისია, წევრი (1992-1995)
• საქართველოს მე-3 მოწვევის პარლამენტის მართლწესრიგისა და კანონიერების დაცვის კომისია, წევრი (1992-1995)
• საქართველოს მე-3 მოწვევის პარლამენტის ფრაქცია "მიწათმოქმედი", წევრი (1993-1995)
• საქართველოს მე-4 მოწვევის პარლამენტი, წევრი (1995-1999)
• საქართველოს მე-4 მოწვევის პარლამენტის განათლების, მეცნიერებისა და კულტურის კომიტეტი, წევრი (1995-1997)
• საქართველოს მე-4 მოწვევის პარლამენტის საპროცედურო საკითხთა და წესების კომიტეტი, წევრი (1997-1997)
• საქართველოს მე-4 მოწვევის პარლამენტის საპროცედურო საკითხთა კომიტეტი, წევრი (1995-1997)
• საქართველოს მე-4 მოწვევის პარლამენტის ფრაქცია "მოქალაქეთა კავშირი", წევრი (1995-1999)
• საქართველოს მწერალთა კავშირი, წევრი (2018-)

• I ხარისხის ორდენი
  ქვეყნის საზღვრის დაცვისათვის
• აჭარის უზენაესი საბჭოს საპატიო სიგელი

• მამია ვარშანიძის შემოქმედება (ავტორი). - ბათუმი, აჭარა, 2000. - 138გვ.. - ISBN: 99928-44-98-1
• ასაფრენად გაშლილი ფრთები : ნარკვევი (ავტორი). - ბათუმი, აჭარა, 1997. - 40გვ.
• ასაფრენად გაშლილი ფრთები : ნარკვევი (ავტორი). - ბათუმი, აჭარა, 1997. - 40გვ.