ოთარ აზიკური

დაბადების ადგილი: ახმეტის რაიონი სოფელი ზემო ალვანი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1958 წელს.

1958–1960წწ. იყო ზნაურის რაისაავადმყოფოს ექიმი–ორდინატორი; 1960–1970წწ. რუსთავის მეტალურგიული ქარხნის მედნაწილის ქირურგიული განყოფილების ორდინატორი; 1970–1992წწ. მუშაობდა თბილისის ექიმთა დახელოვნების ინსტიტუტის უროლოგიის კათედრის ასისტენტად, დოცენტად; 1992 წლიდან პროფესორი. ავტორია 50 სამეცნიერო ნაშრომის, ეკუთვნის ერთი გამოგონება, რაციონალიზატორული წინადადება. გამოქვეყნებული აქვს ერთი მონოგრაფია. არის უროლოგი, მედიცინის მეცნიერებათა დოქტორი, ექიმთა დიპლომის შემდგომი განათლების სამედიცინო აკადემიის უროლოგიის კათედრის პროფესორი.

საკანდიდატო დისერტაციის თემა - "შარდსადენის დახურული ტრავმული დაზიანებანი საქართველოს სამრეწველო საწარმოთა მუშებში", დაიცვა 1969 წელს.

სადოქტორო დისერტაციის თემა - "პიელონეფრიტით დაავადებულთა მკურნალობის ოპტიმიზაციის გზები", დაიცვა 1989 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.13

• თბილისის ა. წულუკიძის სახელობის უროლოგთა სამეცნიერო საზოგადოება, წევრი