პავლე გილაშვილი

დაბადების ადგილი: ქ. თბილისი. 

დაამთავრა სკკპ ცკ-თან არსებული უმაღლესი პარტიული სკოლა 1956 წელს.

კომუნისტური პარტიის აქტიური წევრი და სახელმწიფო მოღვაწე. 1934–1937 წლებში თბილისის სტალინის სახელობის ორთქლმავალ-ვაგონშემკეთებელ ქარხანაში მუშაობდა ზეინკლად. 1937 წლიდან კომკავშირულ სამუშაოზეა, 1939 წლიდან წითელ არმიაში. მონაწილეობდა მეორე მსოფლიო ომში.იყო საქართველოს კომუნისტური პარტიის თბილისის ლენინის სახელობის რაიკომის მეორე, შემდეგ პირველი მდივანი. ცხინვალის საქალაქო კომიტეტის პირველი მდივანი, საქართველოს კომპარტიის ცენტრალური კომიტეტის ადმინისტრაციული ორგანოების განყოფილების გამგე, რუსთავის საქალაქო კომიტეტის პირველი მდივანი, სკკპ ცკ-ის ინსტრუქტორი. 1967 წლიდან აფხაზეთია ასსრ-ის მინისტრთა საბჭოს თავმჯდომარე, 1972 წლიდან საქართველოს კომპარტიის თბილისის საქალაქო კომიტეტის პირველი მდივანი; საქართველოს სსრ მე-4, მე-9, მე-10 მოწვევის უმაღლესი საბჭოს დეპუტატი; სსრ კავშირის მე-8, მე-9, მე-10 და მე-11 მოწვევის უმაღლესი საბჭოს დეპუტატი. 

წყარო: საქართველო: ენციკლოპედია: ტ. 1.–თ., 1997.–გვ.617 

• საბჭოთა კავშირის კომუნისტური პარტია (სკკპ), წევრი (1939-)
• საქართველოს სსრ უმაღლესი საბჭოს პრეზიდიუმი, თავმჯდომარე (1976-1989)
• სკკპ ცენტრალური სარევიზიო კომისია, წევრი
• სსრკ უმაღლესი საბჭოს პრეზიდიუმი, თავმჯდომარის მოადგილე

• ლენინის ორდენი
• საპატიო ნიშნის მედალი
• წითელი ვარსკვლავის ორდენი
• ოქტომბრის რევოლუციის ორდენი (2 ორდენი)