ჯონდო ჯაფარიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ქიმიურ-ტექნოლოგიური ფაკულტეტი 1957 წელს.

1957-1995წწ. იყო საქართველოს მეცნიერებათა აკადემიის არაორგანული და ელექტროქიმიის ინსტიტუტის უმცროსი, უფროსი მეცნიერ-თანამშრომელი, ლაბორატორიის გამგე, დირექტორის მოადგილე; 1995 წლიდან დირექტორი. მისი ხელმძღვანელობით საქართველოში საფუძველი ჩაეყარა ფუნდამენტური ხასიათის კვლევებს თეორიულ ელექტროქიმიაში; მრავალი წლის განმავლობაში იყო საქართველოს ტექნიკური უნივერსიტეტის პროფესორი; მის მიერ შექმნილი ელექტროქიმიური კინეტიკის ლაბორატორია სტუდენტებისათვის საბაზო კთედრა იყო. 200-ზე მეტი სამეცნიერო ნაშრომის, 1 მონოგრაფიის და 20-მდე გამოგონების ავტორი. რუსეთის მეცნიერებათა აკადემიის ჟურნალ "ელექტროქიმიის" და საქართველოს მეცნიერებათა აკადემიის ჟურნალ "მოამბის" რედკოლეგიის წევრი. მიღებული აქვს სახელმწიფო ჯილდოები.  ცნობილი მეცნიერი, ქიმიის მეცნიერებათა დოქტორი (1978), პროფესორი (1982).

წყარო: ვინ ვინაა საქართველოში: ქართული ბიოგრაფიული ცნობარი. - 1998-1999. - გვ. 435; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.173-174

• საქართველოს მეცნიერებათა ეროვნული აკადემია, წევრ-კორესპონდენტი (1988-2001)
• საქართველოს მეცნიერებათა ეროვნული აკადემია, აკადემიკოსი (2001-)

• 2001 - პეტრე მელიქიშვილის სახელობის პრემია
• ღირსების ორდენი

• Электродные процессы в двухатомных спиртах (ავტორი). - Тбилиси, Мецниереба, 1983. - 149с.