ირაკლი მანაგაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი, ეკონომიკური გეოგრაფიის სპეციალობით.

1991 წელს ინიშნება საქართველოს საგარეო საქმეთა სამინისტროში ატაშეს თანამდებობაზე; 1993 წელს  - საქართველოს საგარეო ეკონომიკური ურთიერთობების სახელმწიფო კომიტეტის მთავარ სპეციალისტად; 1993-1994წწ. საქართველოს რესპუბლიკის მინისტრთა კაბინეტის ეკონომიკის განყოფილების წამყვანი სახელმწიფო მრჩეველი და სამდივნოს უფროსია; 1994 წლიდან საქართველოს მინისტრთა კაბინეტის საერთაშორისო საფინანსო და ეკონომიკურ ორგანიზაციებთან თანამშრომლობის სამთავრობო კომისიის სამდივნოში - ჯერ სახელმწიფო მრჩევლი, შემდეგ კი წამყვანი სახელმწიფო მრჩევლი; 1994-1996წწ. ვაშინგტონში(აშშ) მსოფლიო ბანკის აღმასრულებელი დირექტორის თანაშემწე; 1996-1998წწ. - მსოფლიო ბანკის მეოთხე ევროპული დეპარტამენტის მუნიციპალური და სოციალური ინფრასტრუქტურის განყოფილების ინსტიტუციონალური სპეციალისტი; 1998-2005წწ. საქართველოს ეროვნული ბანკის პრეზიდენტი და ეროვნული ბანკის საბჭოს თავმჯდომარე. ეკონომიკის მეცნიერებათა კანდიდატი.

წყარო: www.nbg.gov.ge

• საქართველოს ეროვნული ბანკი, პრეზიდენტი, ეროვნული ბანკის საბჭოს თავმჯდომარე (1998-2005)

• ფულის მუზეუმი = Museum of money = Музей денег (წინასიტყ. ავტორი). - თბილისი, 2003. - 38გვ.
• ფული საქართველოში = Money in Georgia (რედაქტორი). - თბილისი, საქ. ეროვნ. ბანკი, 2000. - 280გვ.. - ISBN: 99928-0-035-6