ალექსანდრე გზირიშვილი

დაბადების ადგილი: სოფელი ვაქირი, სიღნაღის რაიონი.

დაამთავრა თბილისის სახელმწიფო უნივერსიტეტის სამკურნალო ფაკულტეტი 1928 წელს.

1939-1941წწ. და 1946-1972წწ. განაგებდა ცენტრალურ კლინიკური საავადმყოფოს უროლოგიის განყოფილებას; 1941-1946წწ. ერთ-ერთი ევაკოჰოსპიტლის მთავარი ქირურგი; შემოიღო უროლოგიაში კვლევის ელექტროფიზიოლოგიური მეთოდი, თირკმლის ფუნქციის შესასწავლად გამოიყენა იზოტოპები, სრულყო ზოგიერთი უროლოგიური ქირურგიული ოპერაცია. მისი შრომები ეძღვნება თირკმლის კენჭოვანი დაავადების, საშარდე გზების ტუბერკულოზის, თირკმლის გადანერგვისა და სხვ. საკითხებს. ქირურგი - უროლოგი, მედიცინის მეცნიერებათა დოქტორი, პროფესორი (1950).   

წყარო: საქართველო: ენციკლოპედია: ტ. 1.–თ., 1997.–გვ.613; კომპანია "ავერსი": aversi.ge

• საქართველოს სსრ უროლოგთა სამეცნიერო საზოგადოება, თავმჯდომარე (1966-1972)

• 1962 - საქართველოს მეცნიერებათა დამსახურებული მოღვაწე
• წითელი ვარსკვლავის ორდენი

• შარდ-სასქესო ორგანოების სიმსივნეები (ავტორი). - თბილისი, საბჭ. საქართველო, 1958. - 131გვ.
• საშარდე გზების კენჭოვანი დაავადება და მისი მკურნალობა : თბილისში წაკითხული საჯარო ლექციის სტენოგრამა (ავტორი). - თბილისი, 1950. - 28გვ.