ნოდარ გოგებაშვილი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტი 1954 წელს.

1964-1996წწ. მუშაობდა ტუბერკულოზის სამეცნიერო–კვლევით ინსტიტუტში ექსპერტიზის განყოფილების ხელმძღვანელის, კლინიკური და იმუნოლოგიური განყოფილების უფროსი მეცნიერ–მუშაკის, ამავე განყოფილების გამგის, ინსტიტუტის დირექტორის თანამდებობებზე; 1995-2005წწ. იყო პ. შოთაძის სახელობის თბილისის სამედიცინო აკადემიის იმუნოლოგიისა და ალერგოლოგიის კათედრის გამგე; 1994 წელს მისი ხელმძღვანელობით შემუშავებულ იქნა ტუბერკულოზთან ბრძოლის პროგრამა; მიღებული აქვს მრავალი ჯილდო; იმუნოლოგი, მედიცინის მეცნიერებათა დოქტორი (1970), პროფესორი (1984).

წყარო: საქართველო: ენციკლოპედია: ტ.2. – თბ., 2012. – გვ.59; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.281

• ალერგოლოგთა და იმუნოლოგთა ასოციაცია, საპატიო პრეზიდენტი (2006-)
• ალერგოლოგთა და იმუნოლოგთა ასოციაცია, თავმჯდომარე (1997-2006)
• საქართველოს იმუნოლოგთა საზოგადოება, პრეზიდენტი (1984-)
• საქართველოს მედიცინის მეცნიერებათა აკადემია, წევრი (1994-)
• სსრკ სამედიცინო აკადემიის პრეზიდიუმთან არსებული იმუნოლოგიის სამეცნიერო საბჭო, წევრი (1983-)

• 1999 - ღირსების ორდენი
  მოსახლეობის ჯანმრთელობის დაცვის საქმეში შეტანილი პირადი დიდი წვლილისათვის, ნაყოფიერი სამეცნიერო და პედაგოგიური მოღვაწეობისათვის
• 1994 - ზაზა ფანასკერტელ-ციციშვილის სახელობის მედალი

• მაიონიზებელი გამოსხივების გავლენა ორგანიზმის იმუნობიოლოგიურ მდგომარეობაზე. (ავტორი). - თბილისი, საბჭ. საქართველო, 1963. - 144გვ.