ვახტანგ გოგილაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკის ფაკულტეტი მანქანათმშენებლის სპეციალობით 1957 წელს.

1960 წლიდან ეწეოდა პედაგოგიურ საქმიანობას საქართველოს ტექნიკურ უნივერსიტეტში მექანიზმებისა და მანქანების თეორიის კათედრაზე; 2005 წლიდან იყო ამავე კათედრის გამგე; მისი სამეცნიერო კვლევები ეხება მექანიკურ სისტემებში ენერგიის დანაკარგების შესწავლას; რთული სტრუქტურული ჯაჭვური სისტემების დინამიკურ ანალიზსა და სინთეზს; კოსმოსური ბაზირების ტრანსფორმირებადი სისტემების გაანგარიშებისა და დაპროექტების საკითხებს; მონაწილეობდა პირველი ქართული კოსმოსური ობიექტის – დიდი გასაშლელი რეფლექტორის – ღია კოსმოსში გაყვანის ექსპერიმენტში. 2015 წელს მიენიჭა საქართველოს ტექნიკური უნივერსიტეტის ემერიტუსის წოდება. ინჟინერი მანქანათმშენებლობის დარგში, ტექნიკურ მეცნიერებათა დოქტორი (1990), პროფესორი (1991).

საკანდიდატო დისერტაციის თემა - "ენერგიის დანაკარგი ცილინდრულ შეერთებებში", დაიცვა 1969 წელს; სადოქტორი დისერტაციის თემა - "რეგულარულ რგოლებიანი მექანიზმების დინამიკა ექსტრემალურ პირობებში", დაიცვა 1991 წელს.

წყარო: საქართველო: ენციკლოპედია: ტ.2. – თბ., 2012. – გვ.62; საქართველოს ტექნიკური უნივერსიტეტი: gtu.ge

• 1999 - ღირსების ორდენი

• პირველი ქართული კოსმოსური ობიექტი და მისი გენერალური კონსტრუქტორი : საქართველოს მეცნიერებათა ეროვნული აკადემიის წევრ-კორესპონდენტის, სამხედრო მეცნიერებათა დოქტორის, ტექნიკის მეცნიერებათა დოქტორის, პროფესორის, გენერალ-მაიორ ელგუჯა მეძმარიაშვილის სამეცნიერო და აკადემიური მოღვაწეობა კოსმოსური მექანიკის, სამხედრო-ტექნიკური მეცნიერებების და სამხედრო-საინჟინრო მეცნიერებების დარგებში (რედაქტორი). - თბილისი, 2010. - 474გვ.. - ISBN: 978-9941-14-902-3
• გამოყენებითი მექანიკა : დამხმ. სახელმძღვ. საინჟ. სპეც. სტუდ. (თანაავტორი). - თბილისი, ტექნ. უნ-ტი, (სტუ-ს სტ.), 2005. - 63გვ.. - ISBN: 99940-35-55-X
• ტრანსფორმირებადი სისტემების სტრუქტურული და კინემატიკური სინთეზი (თანაავტორი). - თბილისი. - 2009