გიორგი არველაძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1982 წელს.

1982–1991წწ. იყო ქუთაისის ავტოქარხნის მედიკო–სანიტარული ნაწილის ექიმი–ნევროპათოლოგი; 1987–1991წწ. ამავე საავადმყოფოს გათავისუფლებული პროფ. კომიტეტის თავმჯდომარე; 1992–1995წწ. ქუთაისის სამედიცინო ინსტიტუტის "ქუთაისის" რექტორი; 1995–1998წწ. პრორექტორი სამედიცინო დარგში; 1999 წლიდან ისევ ინსტიტუტის რექტორია. ავტორია 30–მდე სამეცნიერო ნაშრომის. თანაავტორია სახელმძღვანელოსი: "ნერვული სისტემის თანდაყოლილი დაავადებები"(1994). ექიმი–ნევროლოგი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "ეპენდიმის განელადობის საკითხისათვის ეთანოლის სხვადასხვა დოზის ერთჯერადი ზემოქმედებისას", დაიცვა 1997 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.18–19

• აშშ–ის ნევროლოგთა აკადემია, წევრ–კორესპონდენტი
• საქართველოს სამედიცინო–სოციალურ მეცნიერებათა აკადემია, წევრი