დემურ დვალიშვილი

დაბადების ადგილი: ქ. ქუთაისი.

დაამთავრა ლენინგრადის საფინანსო-ეკონომიკური ინსტიტუტი, ფინანსებისა და კრედიტის სპეციალობით 1960 წელს.

1961 წელს მუშაობას იწყებს ქუთაისის საქალაქო საბჭოს აღმასკომის საფინანსო განყოფილებაში უფროს ეკონომისტად, შემდეგ კი განყოფილების გამგედ; 1975-1977წწ. ქ. ქუთაისის საქალაქო საბჭოს აღმასკომის თავმჯდომარის მოადგილე და თავმჯდომარეა; 1977-1981წწ. ქ. ოზურგეთის (ქ. მახარაძე) რაიკომის მდივანია; 1981-1990წწ. საქართველოს რესპუბლიკის ფინანსთა მინისტრი; საქართველოს სსრ უმაღლესი საბჭოს არაერთგზის დეპუტატი, საქართველოს რესპუბლიკის უზენაესი საბჭოს წევრი: საქართველოს კომუნისტური პარტიისგან, საფინანსო-საბიუჯეტო კომისიის საბიუჯეტო-საბანკო ქვეკომისიის თავმჯდომარე (1990-1991); ხელი აქვს მოწერილი საქართველოს დამოუკიდებლობის აღდგენის აქტზე (1991 წლის 9 აპრილი); 1992-1993წწ. საქართველოს ეროვნული ბანკის პრეზიდენტი, თბილისის სახელმწიფო უნივერსიტეტის პროფესორი, სამეცნიერო ნაშრომების ავტორი, ფინანსისტი.

წყარო: საქართველოს ეროვნული ბანკის ვებ-გვერდი: nbg.gov.ge; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.149

• საქართველოს ეროვნული ბანკი , პრეზიდენტი (1992-1993)
• საქართველოს რესპუბლიკის პირველი მოწვევის უზენაესი საბჭო, დეპუტატი (1990-1991)
• საქართველოს რესპუბლიკის პირველი მოწვევის უზენაესი საბჭოს საბიუჯეტო-საბანკო ქვეკომისია, თავმჯდომარე (1990-1991)