ნელი გვასალია

დაბადების ადგილი: ქ. თბილისი.

დაამთავრა საქართველოს პოლიტექნუკური ინსტიტუტის არქიტექტურის ფაკულტეტი 1967 წელს.

1967 წლიდან მუშაობდა "თბილქალაქპროექტში"; 1975 წლიდან "საქქალაქპროექტში" იყო არქიტექტურული ჯგუფის ხელმძღვანელი და პროექტის მთავარი არქიტექტორი. ავტორია რამდენიმე დიდი საზოგადოებრივი დანიშნულების შენობის პროექტისა: სასტუმრო და დასასვენებელი სახლები ქუთაისში, კინდღში და ბაკურიანში, სასტუმრო რუსთავში, ჟურნალისტების საცხოვრებელი სახლი თბილისში და დრამატული თეატრის შენობა რუსთავში; 2000 წელს მიენიჭა კემბრიჯის (ინგლისი) საერთაშორისო ბიოგრაფიული ცენტრის მიერ საპატიო წოდება "საუკუნის გამოჩენილი ხელოვანი და არქიტექტორი" სახელობითი ვერცხლის მედლით.

წყარო: საქართველო: ენციკლოპედია: ტ.I.–თბ., 1997.–გვ.605; საქართველოს არქიტექტორთა და მშენებელთა ენციკლოპედია. წიგნი 2. -თბ., 2021. -გვ. 89-90

• საქართველოს არქიტექტორთა კავშირი, წევრი (1972-)
• საქართველოს არქიტექტორთა კავშირი, გამგეობის წევრი (1982-)
• საქართველოს კულტურული მემკვიდრეობის დაცვის ეროვნული სააგენტო, საბჭოს წევრი (2005-)

• 1989 - საქართველოს მინისტრთა საბჭოს პრემია, 300 ადგილიანი სასტუმრო რუსთავში