რევაზ გოგნიაშვილი

დაბადების ადგილი: თელავის რაიონი, სოფელი ქვემო ხოდაშენი.

დაამთავრა პარიზის კონსერვატორია საკომპიზიციო განხრით 1913 წელს.

1913–1914წწ. პარიზშივე დირიჟორობდა ერთ–ერთ სიმფონიურ ორკესტრს; 1914 წელს დაბრუნდა საქართველოში და შეუდგა ქართული ხალხური სიმღერების შეკრებას და დამუშავებას; ეწეოდა პედაგოგიურ მოღვაწეობას თბილისის სამუსიკო სკოლებში; 1914 წელს დაიწყო მუშაობა ოპერა "ქრისტინეზე", რომლის პრემიერაც 1918 წლის 21 მაისს "ქართველ მომღერალთა კავშირის" თაოსნობით "ქართული კლუბის" სცენაზე შედგა; იმავე წლის 17 ივნისს "ქრისტინე" დაიდგა თბილისის საოპერო სცნაზე; მისი ნაწარმოებებიდან ასევე აღსანიშნავია – "ჯადოსანი" და "მზის ქურუმი", აგრეთვე ვოკალურ–საკრავიერი და კამერული ნაწარმოებები; დაწერილი აქვს მუსიკა დრამატული თეატრების დადგმებისათვის. 1925-1927წწ. იყო თბილისში დაარსებული პირველი სატირის თეტრის კომპოზიტორი; 1930-იან წწ. თელავის მუსიკალური სკოლის დირექტორი. გაფორმებული აქვს 200-ზე მეტი სპექტაკლი. რევაზ გოგნიაშვილი პირველი ქართველი კომპოზიტორია, რომლის საფორტეპიანო ნაწარმოებების კრებული ევროპაში გამოიცა ("Arabesques" პარიზი 1910). კომპოზიტორი და რეჟისორი.

წყარო: საქართველო: ენციკლოპედია: ტ.2. – თბ., 2012. – გვ.66; საქართველოს დემოკრატიული რესპუბლიკის 1918-1921 სამუსიკო ცხოვრება/რედაქტორ-შემდგენლები: კატო ჯავახიშვილი, სალომე ჭანტურიძე, მირიან ხოსიტაშვილი.-თბ., 2021.-გვ.36