ელდარ გეწაძე

დაბადების ადგილი: ქ. ზესტაფონი.

დაამთავრა თბილისის სახელმწიფო კონსერვატორიის ვოკალური ფაკულტეტი 1971 წელს.

1974 წლიდან თბილისის ზ. ფალიაშვილის სახელობის ოპერისა და ბალეტის სახელმწიფო თეატრის წამყვანი სოლისტი–ბარიტონი; ლენინგრადის სახელმწიფო ფილარმონიაში ვერდის ოპერაში "ნაბუქო" შეასრულა ნაბუქოს როლი 1985 წელს. შესრულებული აქვს სხვადასხვა პარტიები: ბელკორე (გ. დონიცეტის "სიყვარულის ნექტარი"), დონ ჟუანი ("ვ. მოცარტის "დონ ჟუანი"), სილვიო (რ. ლეონკავალოს "ჯამბაზები"), ელეცკი (პ. ჩაიკოვსკის "პიკის ქალი"), მურმანი, კიაზო (ზ. ფალიაშვილის "აბესალომ და ეთერი"), ბერდო (რ. ლაღიძის "ლელა") და სხვ. ეწევა საკონცერტო მოღვაწეობას. 2019 წლის 24 ნოემბერს თბილისის ზ. ფალიაშვილის სახელობის ოპერისა და ბალეტის სახელმწიფო თეატრის წინ გაიხსნა მისი სახელობის ვარსკვლავი. არის ზურაბ ანჯაფარიძის სახელობის ფონდის ოქროს მედლის მფლობელი, საპატიო პროფესორი (2013).

წყარო: საქართველო: ენციკლოპედია: ტ.I.–თბ., 1997.–გვ.602; ზ. ფალიაშვილის სახ. ოპერისა და ბალეტის სახელმწიფო თეატრი: opera.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.323

• გოეთეს საზოგადოება, საპატიო წევრი

• 1999 - ღირსების ორდენი
  ქართული საოპერო ხელოვნების განვითარებასა და მის პოპულარიზაციაში შეტანილი პირადი დიდი წვლილისათვის, ნაყოფიერი შემოქმედებითი და ორგანიზაციული მოღვაწეობისათვის
• 1984 - საქართველოს სახალხო არტისტი
• ზაქარია ფალიაშვილის სახელობის პრემიის ლაურეატი