გურამ გვაზავა

დაამთავრა საქართველოს პოლიტექნიკური ინსტიტუტი 1954 წელს; თბილისის სახელმწიფო უნივერსიტეტის მექანიკა–მათემატიკის ფაკულტეტი 1957 წელს.

1957–1964წწ. მუშაობდა ენერგეტიკისა და ჰიდროტექნიკურ ნაგებობათა საქართველოს სამეცნიერო–კვლევითი ინსტიტუტის ჰიდროტექნიკურ ლაბორატორიაში უფროს ინჟინრად; 1964–1977წწ. საქართველოს სასოფლო–სამეურნეო ინსტიტიტში მათემატიკისა და თეორიული მექანიკის განყოფილების გამგის მოადგილედ; 1979–1985წწ. ამავე ინსტიტუტში ხელმძღვანელობდა ჰიდროდინამიკურ და კალაპოტში მიმდინარე პროცესების ლაბორატორიას. შეისწავლიდა საინჟინრო ჰიდრავლიკის საკითხების კვლევის მეთოდებს; მონაწილეობდა წყალმომარაგების, კანალიზაციისა და ჰიდროტექნიკურ ნაგებობათა სამეცნიერო-კვლევითი ინსტიტუტის მუშაობაში; მან პირველმა დაიწყო ჰიდრავლიკურ კვლევებში გამომთვლელი მანქანების გამოყენება. ტექნიკურ მეცნიერებათა დოქტორი (1978), პროფესორი (1980).

წყარო: საქართველო: ენციკლოპედია: ტ.I.–თბ., 1997.–გვ.603; საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.201; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 71

• ჰიდრავლიკური კვლევის საერთაშორისო ასოციაციიის ეროვნული კომიტეტი, წევრი (1969-)