ავთანდილ გოგოლი

დაბადების ადგილი: ქ. თბილისი.

დაამთავრა თბილისის სახელმწიფო სტომატოლოგიური ინსტიტუტი 1942 წელს; თბილისის სახელმწიფო სამედიცინო ინსტიტუტი 1951 წელს.

1947 წლიდან მუშაობდა საქართველოს ჯანდაცვის სამინისტროს სანიტარიისა და ჰიგიენის სამეცნიერო–კვლევით ინსტიტუტში; 1969 წლიდან იყო ამავე ინსტიტუტის გარემოს დაცვის ჰიგიენის განყოფილების უფროსი; 1985 წელს საქართველოს ჯანდაცვის სამინისტროს მთავარი ჰიგიენისტი; იკვლევდა წყლის ჰიგიენის, წყალსატევების სანიტარული დაცვისა და მოსახლეობაზე მათი გავლენის პრობლემებს; მიღებული აქვს სახელმწიფო ჯილდოები; ჰიგიენისტი, მედიცინის მეცნიერებათა დოქტორი(1978), პროფესორი(1991).

საკანდიდატო დისერტაციის თემა - "საქართველოს სსრ სოფლის მოსახლეობის სანიტარულ–ეპიდებიოლოგიური მომსახურების ორგანიზაციის საკითხისათვის", დაიცვა 1960 წელს.

სადოქტორო დისერტაციის თემა - "საქართველოს სსრ ნიადაგქვეშა წყლების, წყალმომარაგების პირობების ჰიგიენური შეფასება და წყლის ფაქტორის როლი მოსახლეობის ინფექციურ და არაინფექციურ ავადობაში ნატურული და ექსპერიმენტული გამოკვლევები)", დაიცვა 1974 წელს.

წყარო: საქართველო: ენციკლოპედია: ტ.2. – თბ., 2012. – გვ.69; წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.73; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.63

• საქართველოს პროფილაქტიკური მედიცინის და ადამიანის ეკოლოგიურ მეცნიერებათა აკადემია, პრეზიდენტი (1995-2001)

• 1997 - ღირსების ორდენი

• სამეცნიერო შრომათა კრებული (თანაავტორი) // კრ. 1. - თბილისი, 1989. - 124გვ.
• საქართველოს სსრ ნიადაგქვეშა წყლის, წყალმომარაგების პირობების ჰიგიენური შეფასება და წყლის ფაქტორის როლი მოსახლეობის ინფექციურ და არაინფექციურ ავადობაში (ავტორი). - თბილისი, 1974