მანანა ხვედელიძე

დაბადების ადგილი: ქ. თბილისი.

დაამთავრა თბილისის სახელმწიფო კონსერვატორიის მუსიკისმცოდნეობა-საკომპოზიციო ფაკულტეტი 1983 წელს.

1985 წლიდან მუშაობდა საქართველოს ტელერადიოკორპორაციაში უმცროს რედაქტორად, რედაქტორად, უფროს რედაქტორად; 1994-1997წწ. იყო რადიოკომპანია "ევრიკის" ხელმძღვანელი; 1995 წლიდან თანამედროვე ხელოვნების აკადემიის ლექტორი. გამოქვეყნებული აქვს სტატიები ჟურნალებსა და გაზეთებში. ავტორია გადაცემებისა: "საუბარი კონცერტის შემდეგ", "საკონცერტო დარბაზებსა და თეატრებში", "100 ოპერა", სიუჟეტებისა რადიოჟურნალ "ჩანგში", პროგრამაში: "მაცნე" და საავტორო პროგრამაში "კონცერტი 6 სათზე"; რადიო და ტელეგადაცემებისა ქართველ და უცხოელ მუსიკოსებზე. მუსიკათმცოდნე.

წყარო: ვინ ვინაა საქართველოში: ქართული ბიოგრაფიული ცნობარი. - 1998-1999. - გვ. 416

• საქართველოს კომპოზიტორთა კავშირი, წევრი
• საქართველოს ჟურნალისტთა ფედერაცია, წევრი

• 1999 - ღირსების მედალი
  საქართველოში მიმდინარე რეფორმების მაღალკვალიფიციურ დონეზე წარმოჩენაში, თემის აქტუალობით გამორჩეული გადაცემების მომზადებაში, უცხოეთის ქვეყნებზე რადიომაუწყებლობის გაფართოებაში, რადიოს ოქროს ფონდის შექმნაში შეტანილი პირადი წვლილისა და რადიოს სამაუწყებლო შემოქმედებითი არსენალის განახლების პროცესში აქტიური მონაწილეობისათვის