გერმანე (მღვდელმონაზონი)

იყო საეკლესიო მწერალი; თბილისის სიონის ეკლესიის მსახური; ვახტანგ VI–ის თანამშრომელი კულტურულ–მწიგნობრულ საქმიანობაში. მისი რედაქტორობით დაიბეჭდა "კონდაკი"(საეკლესიო საგალობლები) 1710 წელს; 1711 წელს მხედრული შრიფტით დაიბეჭდა მისი წიგნი "სწავლა"–ღვთისმეტყველების პირველი ქართული სახელმძღვანელო, რომელიც XIX საუკუნემდე იხმარებოდა და ხელნაწერების სახითაც მრავლდებოდა. გერმანე მღვდელმონაზონმა დიდი შრომა გასწია ქართული წერილობითი ძეგლების შეკრებისა და დაცვისათვის. მან მოიძია და განაახლა ვარძიის  ხელნაწერი. 1724 წელს ვახტანგ VI გაჰყვა რუსეთში, სადაც განაგრძობდა სასტამბო–მწიგნობრულ მოღვაწეობას.  მისი რედაქტორობით 1738 წელს მოსკოვში გამოიცა "ზატიკი".

წყარო: საქართველო: ენციკლოპედია: ტ.I.–თბ., 1997.–გვ.599