ვლადიმერ გერმესაშვილი

დაბადების ადგილი: ქ. თბილისი. 

დაამთავრა თბილისის სახელმწიფო კონსერვატორია 1929 წელს.

1929-1931წწ. მივლინებული იყო მოსკოვის კ. სტანისლავსკის  სტუდიაში; ამავე წლებში გამოდიოდა მოსკოვის დიდი თეატრის  სცენაზე. 1937 წელს მონაწილეობდა  მოსკოვში ქართული ხელოვნების I დეკადაზე;. იყო თბილისის ზ. ფალიაშვილის სახელობის ოპერისა და ბალეტის თეატრის სოლისტი–ლირიკული ტენორი. შესრულებული აქვს შემდეგი საოპერო პარტიები: მალხაზი, აბესალომი (ზ. ფალიაშვილის "დაისი", "აბესალომ და ეთერი"), კოტე ("ქეთო და კოტე"), პავლე (შ. თაქთაქიშვილის "დეპუტატი"), ჰერცოგი (ჯ. ვერდის "რიგოლეტო"), ალმავივა (ჯ. როსინის "სევილიელი დალაქი"), ვლადიმერ იგორის ძე (ა. ბოროდინის "თავადი იგორი"), აშუღი (ა. სპენდიარიანის "ალმასტი"). 40–იანი წლებიდან მუშაობდა საქართველოს რადიოს სოლისტად.

წყარო: საქართველო: ენციკლოპედია: ტ.I.–თბ., 1997.–გვ.600

• 1946 - საქართველოს დამსახურებული არტისტი
• ვანო სარაჯიშვილის სახელობის სტიპენდია
  პირველი სტიპენდიანტი