ჯანო ბაგრატიონი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი სპეციალობით ტყავის ნაკეთობათა ტექნოლოგია 1963 წელს; საქართველოს სახელმწიფო ფიზიკური კულტურის ინსტიტუტი სპეციალობით ფიზიკური კულტურა და სპორტი 1977 წელს.

ხელბურთელი, მწვრთნელი, თამაშობდა თბილისის "ბურევესტნიკში"; 1973-1984წწ. მუშაობდა საქართველოს პოლიტექნიკურ ინსტიტუტში ფიზაღზრდის კათედრის გამგედ; 1984-1987წწ. თბილისის სპორტის კომიტეტის თავჯდომარე; 1987-1991წწ. საქართველოს სახელმწიფო სპორტკომიტეტის თავჯდომარის მოადგილე; 1991-1993წწ. საქართველოს სპორტისა და ტურიზმის სამინისტროში მინისტრის მოადგილე; 1993-1996წწ. საქართველოს სპორტის კომიტეტის თავჯდომარის მოადგილე; 1996-1998წწ. საქართველოს სპორტის სახელმწიფო დეპარტამენტის თავჯდომარის პირველი მოადგილე; 1999-2004წწ. საქართველოს მე-5 მოწვევის პარლამენტის წევრი, საარჩევნო ბლოკი: "საქართველოს მოქალაქეთა კავშირი", საარჩევნო ფორმა: პარტიული სიით; 2004 წლიდან საქართველოს ეროვნული ოლიმპიური კომიტეტის საპატიო პრეზიდენტი. გამოქვეყნებული აქვს 18 სამეცნიერო მეთოდური ნაშრომი, ერთი მონოგრაფია. დოცენტი.

წყარო: ვინ ვინაა საქართველოში: ქართული ბიოგრაფიული ცნობარი: -თბ., 1996-97. -გვ. 32; საქართველოს პარლამენტის წევრები 1990-2015/ კობა ამირხანაშვილი.- თბ.,2015.-გვ. 78; საქართველოს პარლამენტის ვებგვერდი: parliament.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.108

• თბილისის საერთაშორისო საქველმოქმედო კლუბი "პანატლონი", პრეზიდენტი
• საქართველოს ეროვნული ოლიმპიური კომიტეტი, პრეზიდენტი (1996-2004)
• საქართველოს მე-5 მოწვევის პარლამენტი, წევრი (1999-2004)
• საქართველოს მე-5 მოწვევის პარლამენტის განათლების, მეცნიერების, კულტურისა და სპორტის კომიტეტი, წევრი (1999-2004)
• საქართველოს მე-5 მოწვევის პარლამენტის სპორტისა და ახალგაზრდულ საკითხთა ქვეკომიტეტი, ქვეკომიტეტის თავმჯდომარე (1999-2004)
• საქართველოს მე-5 მოწვევის პარლამენტის ფრაქცია "თანადგომა" , წევრი (2001-2003)
• საქართველოს მე-5 მოწვევის პარლამენტის ფრაქცია "საქართველოს მოქალაქეთა კავშირი", წევრი (1999-2001)

• 1998 - თბილისის საპატიო მოქალაქე
• 1998 - საერთაშორისო ოლიმპიური კომიტეტის ორდენი
• 1998 - ღირსების ორდენი
  ქართული სპორტის განვითარებისა და პოპულარიზაციის, მაღალკვალიფიციურ სპორტსმენთა მომზადებისა და სპეციალისტთა აღზრდის საქმეში შეტანილი განსაკუთრებული პირადი წვლილისათვის
• 1969 - საქართველოს დამსახურებული მწვრთნელი
• 1964 - სსრკ ჩემპიონი (ხელბურთი)
• საქართველოს ოლიმპიური კომიტეტის ორდენი
• ვახტანგ გორგასლის ორდენი
• საბჭოთა კავშირის დამსახურებული მწვრთვნელი

• ოლიმპიური თამაშები (წინასიტყ. ავტორი). - თბილისი, გლობალ-პრინტი, 2004. - 240გვ.. - ISBN: 99928-64-66-4
• სპორტი საქართველოში : ცნობარი (თანაავტორი). - თბილისი, საბჭ. საქართველო, 1981. - 607გვ.