დამიანე გოგოხია

დაბადების ადგილი: გალის რაიონი, სოფელი ბარღები.

დაამთავრა სოხუმის გორკის სახელობის პედაგოგიური ინსტიტუტის ისტორიის ფაკულტეტი 1941 წელს; უმაღლესი პარტიული სკოლა 1944 წელს; სკკპ ცენტრალურ კომიტეტთან არსებული საზოგადოებრივ მეცნიერებათა აკადემია 1954 წელს.

50-70–იან წლებში მუშაობდა სხვადასხვა პარტიულ და სახელმწიფო თანამდებობებზე; 1981 წლიდან სიცოცხლის ბოლომდე იყო საქართველოს მეცნიერებათა აკადემიის ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის წამყვანი მეცნიერ თანამშრომელი; მისი კვლევის ძირითადი მიმართულება იყო ქართველი და აფხაზი ხალხების ერთობლივი ისტორიის სოციალური, ეკონომიური განვითარების მეცნიერული შესწავლა; ამ პრობლემას მიუძღვნა მონოგრაფია – "აფხაზეთის ასსრ სოციალ–ეკონომიური და კულტურული განვითარება" (1961-1985); ისტორიის მეცნიერებათა დოქტორი (1984), პროფესორი.

წყარო: საქართველო: ენციკლოპედია: ტ.2. – თბ., 2012. – გვ.71

• მეცნიერული და პოლიტიკური ცოდნის გამავრცელებელი საზოგადოება "ცოდნის" გამგეობა, თავმჯდომარე (1973-1980)
• საქართველოს მინისტრთა საბჭოს ბეჭვდითი სიტყვის სახელმწიფო კომიტეტი, თავმჯდომარე

• საბჭოთა აფხაზეთი სოციალიზმის სრულყოფის პირობებში, 1951-1985 წ.წ. (ავტორი). - თბილისი, საბჭ. საქართველო, 1986. - 343გვ.
• საბჭოთა კავშირის კომუნისტური პარტიის XXVII ყრილობის ისტორიული მნიშვნელობა (ავტორი). - თბილისი, განათლება, 1986. - 84გვ.