გურამ ხარატიშვილი

დაბადების ადგილი: ქ. გორი.

დაამთავრა მოსკოვის მ. ლომონოსოვის სახელობის სახელმწიფო უნივერსიტეტის მექანიკა-მათემატიკის ფაკულტეტი 1956 წელს, ასპირანტურა 1961 წელს.

1961 წლიდან ეწეოდა სამეცნიერო-პედაგოგიურ მოღვაწეობას: 1961-1966წწ. იყო მეცნიერებათა აკადემიის გამოთვლითი ცენტრის, 1966-1972წწ. თბილისის სახელმწიფო უნივერსიტეტის გამოყენებითი მათემატიკის ინსტიტუტის განყოფილების გამე; 1972-1981წწ. მართვის სისტემების დირექტორი; 1971 წლიდან თბილისის სახელმწიფო უნივერსიტეტის პროფესორი; 1981 წლიდან კიბერნეტიკის ინსტიტუტის დირექტორი; 1990-1991წწ. საქართველოს პირველი მოწვევის უზენაესი საბჭოს წევრი, საარჩევნო ბლოკი: "საქართველოს კომუნისტური პარტია", საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). ავტორია სამეცნიერო ნაშრომებისა: "დაგვიანებითი ოპტიმალური  პროცესები" (1966), "აბსტრაქტული ვარიაციული თეორია და მისი გამოყენება დაგვიანებით ოპტიმალურ ამოცანებში" (1973). მიღებული აქვს საქართველოს უმაღლესი საბჭოს პრეზიდიუმის საპატიო სიგელი (1984). ფიზიკა-მათემატიკის მეცნიერებათა დოქტორი.

სადოქტორო დისერტაციის თემა - "ექსტრემალური ამოცანები წრფივ ტოპოლოგიურ სივრცეებში", დაიცვა 1969 წელს. 

წყარო: ვინ ვინაა საქართველოში: ქართული ბიოგრაფიული ცნობარი. – 1998-1999.  - გვ. 410; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.404

• საქართველოს მეცნიერებათა აკადემია, აკადემიკოსი (1988-2009)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ეკონომიკური რეფორმების კომისია, წევრი (1990-1991)

• 2001 - ანდრია რაზმაძის სახელობის პრემია