ვალოდია გოგუაძე

დაბადების ადგილი: სოფელი ჭანჭათი, ლანჩხუთის რაიონი.

სწავლობდა ოდესის უნტეროფიცერთა სამხედრო სკოლაში 1901-1903 წლებში.

1895-1898 წწ. მსახურობდა ბათუმში, რიხნელის და როტშილდის ქარხნებში; 1905 წელს დაპატიმრებულ იქნა "ოხრანკის" მიერ; 1906-1908 წწ. მოღვაწეობდა ბაქოში; 1909-1910 წწ. დაბრუნდა მშობლიურ სოფელში და მეურნეობას მიჰყო ხელი; 1910 წელს კვლავ ჩაერთო პოლიტიკურ საქმიანობაში; 1910-1916 წწ. თანამოაზრეებთან ერთად ებრძოდა სოციალ - დემოკრატიული პარტიის სახელით გურიაში მოქმედ წითელრაზმელებს; 1918-1921 წწ. იყო საქართველოს დემოკრატიული რესპუბლიკის ჯავსნოსანი მატარებლის უფროსი; 1918 წელს აქტიურად მონაწილეობდა ოსმალეთის წინააღმდეგ ბრძოლებში, საქართველო-სომხეთის ომში; 1921 წელს ბოლშევიკური რუსეთის მე–11 წითელი არმიის წინააღმდეგ გამართულ ბრძოლებში; 1921-1923 წწ. ბოლშევიკური რუსეთის მიერ საქართველოს ოკუპაციის შემდეგ ცხოვრობდა თურქეთში; 1923 წლიდან მოღვაწეობდა საფრანგეთში; თანამშრომლობდა ქართულ ემიგრანტულ პრესასთან; 1963 წელს პარიზში გამოიცა მისი "მოგონებანი"; სამხედრო და პოლიტიკური მოღვაწე, 1921 წლიდან ქართული პოლიტიკის თვალსაჩინო წარმომადგენელი.

წყარო: საქართველო: ენციკლოპედია: ტ.2. – თბ., 2012. – გვ.72; საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ. 100

• საფრანგეთის ქართული სათვისტომოს გამგეობა, წევრი
• საქართველოს დემიკრატიული რესპუბლიკის სახალხო გვარდიის მთავარი შტაბი, წევრი (1918-1921)
• სოციალ–დემოკრატიული პარტია, წევრი (1904-)
• სოციალ–დემოკრატიული პარტიის საზღვარგარეთული ბიურო, წევრი

• მოგონებანი (ავტორი). - პარიზი, 1963. - 127გვ.