ნელი ბადრიაშვილი

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1973 წელს.

1974–1977წწ. იყო რუსთავის ბავშვთა 2–ე პოლიკლინიკის უბნის ექიმი; 1977–1979წწ. კლინიკური ორდინატორი თბილისის სახელმწიფო სამედიცინო ინსტიტუტში; 1979–1981წწ. რუსთავის ბავშვთა საავადმყოფოს განყოფილების გამგე; 1981 წლიდან მუშაობდა თბილისში ჰოსპიტალური პედიატრიის კათედრის ასისტენტად. ავტორია 27 სამეცნიერო ნაშრომის, რომლებიც ეხება მუკოვისციდოზის კლინიკის, პათომორფოლოგიის, ჰემატოლოგიის, მემბრანოლოგიის კლინიკის საკითხებს. ავტორია მონოგრაფიისა - "Муковисцидоз у детей" (1990). არის პედიატრი, მედიცინის მეცნიერებათა კანდიდატი.

საკანდიდატო დისერტაციის თემა - "ერითროციტების სტრუქტურულ–ფუნქციური თავისებურებების კლინიკური მნიშვნელობა მუკოვისციდოზით დაავადებულ ბავშვებში", დაიცვა 1988 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.27