გუგული გოდერძიშვილი

დაბადების ადგილი: ქ. საგარეჯო.

დაამთავრა საქართველოს ზოოტექნიკურ–სავეტერინარო ინსტიტუტი 1950 წელს.

1968 წლიდან იყო საქართველოს ზოოტექნიკურ–სავეტერინარო სასწავლო–კვლევით ინსტიტუტის პარაზიტოლოგიის კათედრის გამგე; 1992-1999წწ. ინსტიტუტის პრორექტორი სასწავლო დარგში; 1997-1998წწ. რექტორის მოვალეობის შემსრულებელი; მან შეიმუშავა ზოგიერთი ჰელმინთოზის საწინააღმდეგო ღონისძიებანი, რომლებიც დანერგილია სავეტერინარო პრაქტიკაში; მისი ხელმძღვანელობითა და მონაწილეობით საწარმოო პირობებში მომზადდა პრეპარატი დარიშხანმჟავა კალა(კალას არსენატი), გამოინახა ამ ჯგუფის საშუალებები(თუთიის, მანგანუმისა და კალციუმის არსენატი), რომლებიც გამოიყენეს საბჭოთა კავშირში და მსოფლიოს მრავალ ქვეყანაში ლენტისებრი ჭიებით გამოწვეული დაავადებების წინააღმდეგ საბრძოლველად; ავტორია მრავალი სამეცნიერო ნაშრომისა, აქვს 4 საავტორო მოწმობა გამოგონებაზე; 2003 წელს საქართველოს ზოოტექნიკურ–სავეტერინარო სასწავლო–კვლევით ინსტიტუტის პარაზიტოლოგიისა და ვეტერინალურ–სანიტარულ ექსპერტიზის კათედრას მისი სახელი ეწოდა; მიღებული აქვს სახელმწიფო ჯილდოები; ვეტერინარი ექიმი, ვეტერინარიის მეცნიერებათა დოქტორი (1967), პროფესორი (1970).

წყარო: საქართველო: ენციკლოპედია: ტ.2. – თბ., 2012. – გვ.74; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.35

• საქართველოს სოფლის მეურნეობის მეცნიერებათა აკადემია, ნამდვილი წევრი

• 2000 - ღირსების ორდენი
• 1981 - საქართველოს მეცნიერებათა დამსახურებული მოღვაწე

• სავეტერინარო პროტოზოოლოგია და არაქნო-ენტომოლოგია (თანაავტორი). - თბილისი, გლობალ პრინტი+, 2009. - 184გვ.. - ISBN: 978-9941-0-1285-3
• სავეტერინარო ჰელმინთოლოგია : სახელმძღვ. სავეტ. მედ. ფაკ. სტუდ. (თანაავტორი). - თბილისი, გლობალ პრინტი, 2008. - 228გვ.. - ISBN: 978-9941-9010-5-8
• ექინოკოკოზი და მასთან ბრძოლა (ავტორი). - თბილისი, საბჭ. საქართველო, 1973. - 36გვ.