პართენ გოთუა

დაბადების ადგილი: ოზურგეთის რაიონი, სოფელი ძიმითი.

დაამთავრა ნოვოროსიის (ოდესა) უნივერსიტეტის ისტორიულ–ფილოლოგიური ფაკულტეტი.

1898 წელს იყო ვლადიკავკაზის საქალაქო სასწავლებლისა და ქალთა გიმნაზიის ისტორიის, გეოგრაფიის პედაგოგი და მეთოდიკის მასწავლებელი; 1899 ვლადიკავკაზის ქართული სკოლის ფაქტობრივი ხელმძღვანელი; 1903 წელს მუშაობა დაიწყო თბილისში ბეჭვდითი კომიტეტის ცენზორად; სიჭაბუკის დროიდან მოღვაწეობდა სალიტერატურო ასპარეზზე; აქვეყნებდა მოთხრობებს, თარგმანებს და ნარკვევებს ჟურნალ–გაზეთებში: "ცნობის ფურცელი", "ჯეჯილი", "ივერია", "მწყემსი", "კვალი", "მოამბე"; აქტიურად მონაწილეობდა საქალაქო და ცენტრალური ბანკის დაფუძვნებაში, რომელსაც თვითონ ჩაუდგა სათავეში; 1905 წელს დააარსა ქართულ ეროვნული ორიენტაციის რუსულენოვანი გაზეთი "ვოზროჟდენიე"; გამოუშვა ქართული გაზეთი "სავაჭრო გზა" და "ახალი დროება"; დასტამბა არაერთი ნაშრომი საქართველოს ეკონომიკური განვითარების საკითხებზე; მისი თაოსნობით გაფართოვდა ვლადიკავკაზის ქართული სკოლის შენობა, აშენდა სათეატრო დარბაზი, შეიქმნა ქართველ მსახიობთა დასი და მომღერალთა გუნდი; იღვწოდა აჭარაში ქართული სკოლების ქსელის გასაფართოებლად და თბილისში პოლიტექნიკური უმაღლესი სასწავლებლის დასაარსებლად; იყო ქველმოქმედი, ეხმარებოდა ახალგაზრდა მწერლებსა და სტუდენტებს; მის კალამს ეკუთვნის დრამები: "სიკვდილი", "სამზადისი", "კენჭისყრა", "პარტიის კაცი"; ჟურნალისტ–გამომცემელი, საზოგადო მოღვაწე. მწერალ ლევან გოთუას მამა.

წყარო: საქართველო: ენციკლოპედია: ტ.2. – თბ., 2012. – გვ.79; ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.659

• ედპ, წევრი
• ვლადიკავკაზის ქართული საზოგადოება, თავმჯდომარე (1899-)
• ქ. თბილისის საბჭო, წევრი (1907-)

• ოქროს მედალი, თხზულებისთვის – "1889 წლის საფრანგეთის სათავადაზნაურო დარიგებები"

• აბანოში, ბეჭედი და სხვა მოთხრობები : წიგნი მეორე (ავტორი). - ტფილისი, საქართველოს სახკომსაბჭოს სტ., 1927. - 110გვ.
• კენჭის ყრა : დრამატიული სცენები ოთხ-მოქმედებად (ავტორი). - ტფილისი, წიგნის გამომცემელ ქართველთა ამხ. სტ., 1905. - 168გვ.