ავთანდილ გელოვანი

დაბადების ადგილი: ქ. მესტია.

დაამთავრა საქართველოს პოლიტექნიკური ინსტიტუტის სამთო ფაკულტეტი გეოლოგიის სპეციალობით.

1956 წლიდან იყო საქართველოს სახელმწიფო ფილარმონიის მსახიობი სალაპარაკო ჟანრში; 1955–1961წწ. საქართველოს სახელმწიფო საესტრადო ორკესტრის "რეროს" მსახიობი; 1961–1966წწ. საქართველოს სახელმწიფო ფილარმონიის პროგრამების რეჟისორი; 1967–1975წწ. პროგრამების დამდგმელი რეჟისორი; 1975–1976წწ. მინიატურების სახელმწიფო თეატრის მთავარი რეჟისორი; 1976–1988წწ. საქართველოს სახელმწიფო ფილარმონიის საესტრადო სამმართველოს მთავარი რეჟისორი და სამხატვრო ხელმძღვანელი; 1988–1992წწ. მთავარი რეჟისორი; 1992–1994წწ. თბილისის თ. ჩანტლაძის სახელობის სატირისა და იუმორის თეატრის სალიტერატურო ნაწილის გამგე; მიღებული აქვს სახელმწიფო ჯილდოები.

წყარო: საქართველო: ენციკლოპედია: ტ.I.–თბ., 1997.–გვ.581