ფატი გოკიელი-ანთაძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის სიბრძნისმეტყველების ფაკულტეტი 1924 წელს.

1946-1949წწ. იყო ქუთაისის პედაგოგიური ინსტიტუტის უცხო ენების კათედრის გამგე და ფაკულტეტის დეკანი; კითხულობდა ლექციებს კ. მარჯამიშვილის სახელობის თეატრთან არსებულ დრამატულ სტუდიაში, ქუთაისის პედაგოგიურ ინსტიტუტში, ი. ჭავჭავაძის სახელობის უცხო ენათა ინსტიტუტში, თბილისის პედაგოგიურ ინსტიტუტში; 1928 წელს გამოაქვეყნა პორველი თარგმანი; თარგმნა ჰაინრიხ დენბურგის "პანდექსტების" ზოგადი ნაწილი( 1928) და მოლიერის "ძალად ექიმი" (1936); მის ნაშრომთაგან აღსანიშნავია: "ბელინსკი და დასავლეთის რომანტიზმი" (1958), "XIX საუკუნის ქართული პრესა და საფრანგეთის პროგრესული პუბლიცისტიკა" (1961), "შუა საუკუნეების ფრანგული სოციალურ–პატრიოტული პოეზია" (1962); იკვლევდა ფრანგულ–ქართულ  და რუსულ–ქართულ კულტურულ–ლიტერატურულ ურთიერთობების ისტორიას; ლიტერატურათმცოდნე, მთარგმნელი, ფილოლოგიის მეცნიერებათა კანდიდატი (1948).

წყარო: საქართველო: ენციკლოპედია: ტ.2. – თბ., 2012. – გვ.81; მამულიშვილთა სავანე./ბაბუნაშვილი ზ., ნოზაძე თ. - თბ., 1994. - გვ.108-109