თენგიზ ბაქანიძე

დაამთავრა თბილისის სახელმწიფო სამედიცინო ინსტიტუტის სანიტარულ - ჰიგიენური ფაკულტეტი 1949 წელს.

1950 წელს იყო ადლერის სანეპიდსადგურის სანიტარული ექიმი; 1951–1954წწ. ასპინძის სანეპიდსადგურის ეპიდემიოლოგი; 1954–1960წწ. თბილისის რესპუბლიკური სანეპიდსადგურის ეპიდემიოლოგი, მთავარი ექიმი; 1960–1964წწ. თბილისის სამედიცინო პარაზიტოლოგიის ინსტიტუტის უმცროსი მეცნიერ–თანამშრომელი; 1972 წლიდან ამავე ინსტიტუტის ბრუცელოზის ეპიდემიოლოგიის განყოფილების გამგე; 1978–1982წწ. ჯანდაცვის სამინისტროს მთავარი ეპიდემიოლოგი. ავტორია 52 სამეცნიერო ნაშრომის, რომლებიც ეხება ბრუცელოზის ავადობის, ჰელმინთოზებთან ბრძოლის ორგანიზაციას. არის ექიმი–ეპიდემიოლოგი, მედიცინის მეცნიერებათა კანდიდატი.

საკანდიდატო დისერტაციის თემა - "ანკილოსტომიტოზის ეპიდემიოლოგიის მკურნალობის და იმუნოდიაგნოსტიკის ზოგიერთი საკითხი საქართველოში", დაიცვა 1970 წელს.

წყარო: ვინ ვინაა თანამედროვე ქართულ სამედიცინო მეცნიერებაში : თანამედროვე ქართველ მედიკოსთა ბიოგრაფიული ენციკლოპედია. - თბ.,.- 2000.-გვ.30; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.353

• საქართველოს ეპიდემიოლოგთა საზოგადოება, წევრი
• საქართველოს ინფექციონისტთა საზოგადოება, წევრი
• საქართველოს მიკრობიოლოგთა საზოგადოება, წევრი
• საქართველოს პარაზიტოლოგთა საზოგადოება, წევრი

• 1999 - ღირსების მედალი
  მოსახლეობის ჯანმრთელობის დაცვაში შეტანილი დიდი წვლილისათვის, ჯანდაცვის სისტემის რეორიენტაციის პროცესში აქტიური მონაწილეობისა და ნაყოფიერი მოღვაწეობისათვის