ანზორ ცაგურია

დაბადების ადგილი: ქ. სენაკი.

დაამთავრა სახელმწიფო პოლიტექნიკური ინსტიტუტი ქიმიური და კვების მრეწველობის ფაკულტეტი 1970 წელს.

1963-1964წწ. იყო დამზადების კანტორის მუშა; 1967-1970წწ. ხალიჩების კომბინატის ფიზკულტურის მეთოდისტი; 1971-1972წწ. საქართველოს ალკკ ცხაკაიას რაიკომის მეორე მდივანი; 1972-1978წწ. პირველი მდივანი; 1978-1991წწ. ცხაკაიას რაიონული საბჭოს აღმასკომის თავმჯდომარის მოადგილე; 1991-1992წწ. სენაკის რაიონის პრეფექტის პირველი მოადგილე; 1992-1995წწ. სენაკის რაიონული გამგეობის თავმჯდომარის პირველი მოადგილე, სენაკის საკრებულოს გამგეობის თავმჯდომარე; 1996 წლიდან სენაკის მერი. ძირითად სამუშაოსთან ერთად აქტიურად არის ჩართული საზოგაოებრივ საქმიანობაში – არის "საზოგადოება სენაკელის" თავმჯდომარის მოადგილე, 2017 წელს იყო სენაკის მუნიციპალიტეტის გამგებლის მრჩეველთა საბჭოს წევრი; 2018 წლის 11 ოქტომბერს არჩეულ იქნა სენაკის მუნიცპალიტეტის მერის სათათბირო ორგანოს – სამოქალაქო მრჩეველთა საბჭოს თავმჯდომარედ. არის გაზეთ "სენაკის უწყებანის" დამფუძნებელი, გამოცემული აქვს უხვად ილუსტრირებული წიგნები – "სენაკი" და "სენაკი ჩემპიონთა საბუდარი". დაჯილდოებულია საკავშირო სამკერდე ნიშნით – "კომკავშირში აქტიური მუშაობისათვის" (1970); საქართველოს ხელოვნების, მასმედიის, კულტურულ-საგანმანათლებლო დაწესებულებების, სპორტისა და ტურიზმის მუშაკთა პროფესიული კავშირის მიერ 2019 წლის 25 სექტემბერს დაჯილდოვდა საპატიო სიგელით მუნიციპალიტეტის კულტურულ ცხოვრებაში აქტიური საქმიანობისათვის.

წყარო: ვინ ვინაა საქართველოში: ქართული ბიოგრაფიული ცნობარი. – 1998-199. - გვ. 380; სენაკის საპატიო მოქალაქეები / ანზორ ცაგურია, ვაჟა დანელია/. - სენაკი, 2020. -გვ. 222-225

• 1976 - საპატიო ნიშნის ორდენი
• 1973 - მედალი "შრომითი წარჩინებისთვის"
• 1970 - მედალი "შრომითი მამაცობისთვის"
• სენაკის საპატიო მოქალაქე

• სენაკის საპატიო მოქალაქეები (Co-Author). - სენაკი, კოლორი, 2020. - 276გვ.
• სენაკი ჩემპიონთა საბუდარი (Co-Author). - თბილისი, ივერიონი, 2014. - 244გვ.. - ISBN: 9789941938757