რევაზ გამყრელიძე

დაბადების ადგილი: ქ. ქუთაისი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 1946 წელს; მოსკოვის სახელმწიფო უნივერსიტეტის მექანიკა-მათემატიკის ფაკულტეტი 1950 წელს; მოსკოვის სახელმწიფო უნივერსიტეტის ასპირანტურა 1953 წელს.

1953-1955წწ.  რუსეთის მეცნიერებათა აკადემიის ვ. სტეკლოვის სახელობის მათემატიკის ინსტიტუტი, უმცროსი მეცნიერ-თანამშრომელი; 1955-1988წწ. ამავე ინსტიტუტის უფროსი მეცნიერ-თანამშრომელი; 1988-1998წწ. დიფერენციალური განტოლებებისა და მართვის თეორიის განყოფილების გამგე; 1999 წლიდან რუსეთის მეცნიერებათა აკადემიის პრეზიდიუმის მეცნიერი მრჩეველი. მეცნიერული ინტერესების სფერო: ტოპოლოგია და ალგებრული გეომეტრია. 1955 წლიდან ავითარებდა ოპტიმალურ კონტროლის თეორიას, რომელიც წარმოადგენდა მათემატიკურ მიდგომას თვითმფრინავებისა და რაკეტებისათვის ოპტიმალური ასაფრენი ბილიკის შექმნასთან დაკავშირებით. იგი არის დამფუძნებელი რედაქტორი მათემატიკური მეცნიერებების ენციკლოპედიისა (Encyclopedia of Mathematical Sciences). გამოქვეყნებული აქვს 100-მდე ნაშრომი. ფიზიკა-მათემატიკის მეცნიერებათა კანდიდატი (1953), ფიზიკა-მათემატიკის მეცნიერებათა დოქტორი (1961), პროფესორი (1962).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.195; საქართველოს მეცნიერებათა ეროვნული აკადემია: science.org.ge

• რუსეთის მეცნიერებათა აკადემია, აკადემიკოსი (2003-)
• რუსეთის მეცნიერებათა აკადემია, წევრ-კორესპონდენტი (1981-)
• საქართველოს მეცნიერებათა აკადემია, აკადემიკოსი (1969-)

• 1985 - საქართველოს მეცნიერებათა დამსახურებული მოღვაწე
• 1980 - ანდრია რაზმაძის სახელობის პრემია
• 1962 - ლენინური პრემია

• ოპტიმალური მართვის თეორიის საფუძვლები (ავტორი). - თბილისი, ილიას სახელმწ. უნ-ტის გამ-ბა, 2017. - 202გვ. . - ISBN: 9789941182723
• Основы оптимального управления (ავტორი). - Тбилиси, изд. Тбилисского университета, 1977. - 254с.
• О скользящих оптимальных режимах (ავტორი) // ДАН СССР, т. 143. - с. 1243-1245