გიორგი გოლეთიანი

დაბადების ადგილი: სოფელი ნაკურალეში, ცაგერის რაიონი. 

დაამთავრა თბილისის სახელმწიფო უნივერსიტეტის აგრონომიული ფაკულტეტი 1927 წელს.

1927-1939წწ. მუშაობდა ოზურგეთში ანასეულის ჩაისა და სხვა კულტურების სამეცნიერო-კვლევით ინსტიტუტში; ამავე წლებში დაიცვა დისერტაცია მოსკოვის ტიმირიაზევის სახელობის აკადემიაში; 1941-1945წწ. მსახურობდა წითელ არმიაში და იბრძოდა ფრონტის წინა ხაზზე. 1952-1957წწ. იყო ქუთაისის სასოფლო–სამეურნეო ინსტიტუტის დირექტორი; 1954-1959წწ. - აგროქიმიისა და ზოგადი მიწათმოქმედების კათედრის გამგე; 1959-1975წწ. - საქართველოს სუბტროპიკული მეურნეობის ინსტიტუტის აგროქიმიისა და ზოგადი მიწათმოქმედების კათედრის გამგე. იკვლევდა დასავლეთ საქართველოს წითელმიწა ნიადაგის მჟავიანობის საკითხებს, ამ ნიადაგის გავლენას ჩაის კულტურაზე. 100-ზე მეტი სამეცნიერო ნაშრომის ავტორი. მიღებული აქვს მთავრობის მრავალი ჯილდო, მედალი და ორდენი. აგროქიმიკოსი, სოფლის მეურნეობის მეცნიერებათა დოქტორი (1959), პროფესორი (1961).

წყარო: საქართველო: ენციკლოპედია: ტ.2. – თბ., 2012. – გვ.84; აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University/იმერ ბასილაძე, ნესტან კუტივაძე. -ქუთაისი, 2013. -გვ.95-97

• 1974 - საქართველოს მეცნიერებათა დამსახურებული მოღვაწე

• მინერალური სასუქების გავლენა ნიადაგის თვისებებსა და ჩაის პლანტაციის მოსავლიანობაზე (ავტორი). - თბილისი, საბჭ. საქართველო, 1960. - 153გვ.