ივანე გომელაური

დაბადების ადგილი: დედოფლისწყაროს რაიონი, სოფელი მირზაანი.

დაამთავრა სიღნაღის საქალაქო სასწავლებელი 1885 წელს; თბილისის სამასწავლებლო ინსტიტუტი 1890 წელს.

მასწავლებლობდა ოზურგეთში, ზუგდიდში, სოფელ ტირძნისში, თბილისის ქართულ გიმნაზიაში, ძველ სენაკში, წინამძღვრიანთკარში, ბაქოში; ასწავლიდა ქართულ ენას თბილისის ა. პუშკინის სახელობის სახელმწიფო პედაგოგიურ ინსტიტუტში; 1906-1926წწ. თანამშრომლობდა ქართულ ჟურნალ–გაზეთებთან; თარგმნა ვ. კოროლენკოს, ა. ჩეხოვისა და გ. ჰაუტმანის თხზულებები; მის სახელმძღვანელოს – "სკოლაში შესასწავლი ქართველი მწერლები", იყენებდნენ საშუალო სკოლებში; საზოგადო მოღვაწე.

წყარო: საქართველო: ენციკლოპედია: ტ.2. – თბ., 2012. – გვ.91; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.34

• ქართველთა შორის წერა–კითხვის გამავრცელებელი საზოგადოების ჭიათურის ფილიალი, წევრი
• ჭიათურის დრამატული საზოგადოება, წევრი

• სკოლებში შესასწავლი ქართველი მწერლები (ავტორი) // წ. 1. - თფილისი, "შრომა"-ს სტ., 1906. - 286გვ.